ନୂଆଦିଲ୍ଳୀ : ଏଚଏମଡି ଗ୍ଲୋବାଲ ଭାରତରେ ନିଜର ଫ୍ଲାଗସିପ ସ୍ମାର୍ଟଫୋନ ନୋକିଆ ୮.୧ର ୬ଜିବି ରାମ ଏବଂ ୧୨୮ଜିବି ଷ୍ଟୋରେଜର ଫୋନ ଲଞ୍ଚ କରିଛି। ଗତବର୍ଷ ନୋକିଆ ୮.୧ ଫୋନକୁ ପ୍ରଥମଥର ୪ଜିବି ରାମ ଏବଂ ୬୪ଜିବି ଷ୍ଟୋରେଜ ମଡେଲରେ ଲଞ୍ଚ କରାଯାଇଥିଲା। ଏହି ଫୋନର ମୂଲ୍ୟ ୨୯,୯୯୯ଟଙ୍କା। ସେହିଭଳି ଏହାର ୪ଜିବି ରାମ ଏବଂ ୬୪ଜିବି ଷ୍ଟୋରେଜ ମଡେଲର ମୂଲ୍ୟ ୨୬,୯୯୯ଟଙ୍କା। ଏହି ଫୋନର ବିକ୍ରି ଫେବ୍ରୁଆରୀ ୬ରୁ ଅମାଜନ, ନୋକିଆର ଅନଲାଇନ୍ ଷ୍ଟୋରରେ ଉପଲବ୍ଧ ହେବାକୁଥିଲାବେଳେ ଆମାଜନରେ ଏହି ଫୋନର ପ୍ରି-ବୁକିଙ୍ଗ ଆରମ୍ଭ ହୋଇ ସାରିଛି।
ଏଥିରେ ଡୁଆଲ ସିମ ସପୋର୍ଟ ସହିତ ଆଣ୍ଡ୍ରଏଡ୍ ୯ପାଇ ମିଳିବ। ନୋକିଆ ୮.୧ରେ ୬.୧୮ଇଞ୍ଚର ଫୁଲ ଏଚଡି ପ୍ଳସ ଡିସପ୍ଲେ ରହିଛି। ଯାହାର ରିଜୋଲ୍ୟୁସନ ୧୦୮୦/୨୨୪୪ପିକ୍ସଲ ଏବଂ ଆସପେକ୍ଟ ରେଶିୟୋ ୧୮.୭:୯। ଏଥିରେ କ୍ୱାଲାକମର ଅକ୍ଟାକୋର ସ୍ନାପଡ୍ରାଗନ ୭୧୦ପ୍ରୋସେସର, ୪ଜିବି ରାମ ଏବଂ ୬୪ଜିବିର ଷ୍ଟୋରେଜ ରହିଛି। ଯାହାକୁ ମେମୋରୀ କାର୍ଡ ସାହାର୍ଯ୍ୟରେ ୪୦୦ଜିବି ପର୍ଯ୍ୟନ୍ତ ବଢାଇପାରରିବେ।
ଫୋନରେ ଡୁଆଲ ରିୟର କ୍ୟାମେରା ସେଟଅପ୍ ରହିଛି। ଯେଉଁଥିରେ ଜେସ୍ ଅକ୍ଟିସର ବ୍ୟବହାର କରାଯାଇଛି। ଏଥିରେ ଗୋଟିଏ କ୍ୟାମେରା ୧୨ମେଗାପିକ୍ସେଲର ଏବଂ ଅନ୍ୟଟି ୧୩ମେଗାପିକ୍ସେଲର ରହିଛି। ଏହାର ଆଗପଟ କ୍ୟାମେରା ୨୦ମେଗାପିକ୍ସେଲ।
ଏହି ଫୋନରେ ୩୫୦୦ଏମଏଚର ବ୍ୟାଟେରୀ ରହିଛି। ଯାହା ଫାଷ୍ଟ ଚାର୍ଜିଙ୍ଗକୁ ସପୋର୍ଟ କରିଥାଏ। ଏହା ସହିତ ୧୮ୱାଟର ଚାର୍ଜର ମାଗଣାରେ ମିଳିବ। ସଂଯୋଗ ପାଇଁ ଫୋନରେ ୪ଜି ଭୋଲଟିଇ, ୱାଇ-ଫାଇ, ବ୍ଲୁଟୁଥ, ଜିପିଏସ୍, ଏ-ଜିପିଏସ୍, ଏଫଏମ୍ ରେଡିଓ, ୩.୫ଏମ୍ଏମର ହେଡପୋନ ଜ୍ୟାକ୍ ଏବଂ ୟୁଏସବି ଚାର୍ଜିଙ୍ଗ ଟାଇପ-ସି ମିଳିବ।
