ଲାଞ୍ଜିଗଡ଼: କଳାହାଣ୍ଡିର ସ୍ବେଚ୍ଛାସେବୀ ଅନୁଷ୍ଠାନ ଶକ୍ତିମୟୀ ଫାଉଣ୍ଡେସନ, ମହାଶକ୍ତି ଫାଉଣ୍ଡେସନ ଓ ବେଦାନ୍ତ ଲାଞ୍ଜିଗଡ଼ ସହାୟତାରେ ସ୍ବଚ୍ଛତା ଓ ରକ୍ତହୀନତାଜନିତ ସଚେତନତା କାର୍ଯ୍ୟକ୍ରମ ଯୋଡବନ୍ଧ ମାଧ୍ୟମିକ ବିଦ୍ୟାଳୟରେ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ଡକ୍ଟର ଜୟଶ୍ରୀ କେତନ ମହାପାତ୍ର, ବେଦାନ୍ତ ହସ୍ପିଟାଲ ସ୍ୱାସ୍ଥ୍ୟ ଓ ସ୍ୱଚ୍ଛତା ସମ୍ବନ୍ଧରେ ଛାତ୍ରଛାତ୍ରୀଙ୍କୁ ବୁଝାଇଥିଲେ। ବିଦ୍ୟାଳୟର ପ୍ରଧାନଶିକ୍ଷକ ଗୋବର୍ଦ୍ଧନ ମାଝୀ ଓ ସହକର୍ମୀ ସମ୍ପୂର୍ଣ୍ଣ ସହାୟତା କରିଥିଲେ। ମହେନ୍ଦ୍ର କୁମାର ନିଆଲ ଗୀତ ଏବଂ ଖେଳ ମାଧ୍ୟମରେ ଛାତ୍ରଛାତ୍ରୀଙ୍କୁ ପାଇଖାନାର ବ୍ୟବହାର, ହାତ ଧୋଇବା ପ୍ରକ୍ରିୟା ଇତ୍ୟାଦି ସମ୍ବନ୍ଧରେ ବୁଝାଇଥିଲେ। ଶକ୍ତିମୟୀ ଫାଉଣ୍ଡେସନର ସଭାନେତ୍ରୀ ଯଶୋଦା ବେହେରା, ପ୍ରକଳ୍ପ ମୁଖ୍ୟ ସୁଶ୍ରୀ ପ୍ରିୟଦର୍ଶିନୀ ହୋତା, ସଖୀ ପ୍ରକଳ୍ପରୁ ଶ୍ରୁତି, ସୁବର୍ଣ୍ଣ, ଯଶୋଦା କାର୍ଯ୍ୟକ୍ରମର ଆୟୋଜନ କରିଥିଲେ। ମୋଟ ୯୦ ଜଣ ଛାତ୍ରୀଙ୍କ ହେମୋଗ୍ଲୋବିନ୍ ପରୀକ୍ଷା କରାଯାଇଥିଲା, ଯେଉଁଥିରେ ସର୍ବାଧିକ ହେମୋଗ୍ଲୋବିନ୍ ପ୍ରତିଶତ ୧୪.୯ ଏବଂ ସର୍ବନିମ୍ନ ୮.୮ ଥିଲା। କୌଣସି ରକ୍ତହୀନତା ଚିହ୍ନଟ ହୋଇ ନ ଥିଲା। ମଧ୍ୟମ ରକ୍ତହୀନ ପିଲାମାନଙ୍କୁ ଉତ୍ତମ ପୁଷ୍ଟିକର ଖାଦ୍ୟ ଅନ୍ତର୍ଭୁକ୍ତ କରିବାକୁ ଡାକ୍ତର ପରାମର୍ଶ ଦେଇଛନ୍ତି। ୧୫୦ରୁ ଊର୍ଦ୍ଧ୍ବ ଛାତ୍ରଛାତ୍ରୀ ଆଜିର କାର୍ଯ୍ୟକ୍ରମରେ ଯୋଗଦାନ କରିଥିଲେ। ଆଗାମୀ ଦିନମାନଙ୍କରେ ଶକ୍ତିମୟୀ ଫାଉଣ୍ଡେସନ ଓ ବେଦାନ୍ତ ଲାଞ୍ଜିଗଡ଼ ତରଫରୁ ବିଭିନ୍ନ ବିଦ୍ୟାଳୟ ଓ ଗ୍ରାମରେ ଏହି ସ୍ବଚ୍ଛତା ଓ ରକ୍ତହୀନତା ସଚେତନତା କାର୍ଯ୍ୟକ୍ରମ, ଋତୁସ୍ରାବଜନିତ ସଚେତନତା କାର୍ଯ୍ୟକ୍ରମ କରିବାର ଯୋଜନା ରହିଛି।
Popular Categories
Previous article
Next article