ଗୋପାଳପୁର : ଗୋଳନ୍ଥରା ଥାନା ଅର୍ନ୍ତଗତ ପାଟପୁର ଗାଁର ଗତ ୧୪ ତାରିଖରୁ ନିଖୋଜ ରହିଥିବା ଶାନ୍ତନୁ ନାୟକଙ୍କ ଆଜି ସକାଳେ ୧୬ ନଂ ଜାତୀୟ ରାଜପଥ ହଳଦିଆ ପଦର ସନ୍ନିକଟ ଏକ ନାଳ ପରିସରରୁ ମୋଟର ସାଇକେଲ ସହ ମୃତଦେହକୁ ପୁଲିସ ଜବତ କରିଛି। ପରିବାର ସଦସ୍ୟ ଘଟଣାସ୍ଥଳରେ ପହଞ୍ଚି ଶାନ୍ତନୁଙ୍କ ମୃତଦେହକୁ ଚିହ୍ନଟ କରିବା ପରେ ପୁଲିସ ମୃତଦେହ ଜବତ କରି ବ୍ୟବଚ୍ଛେଦ କରିବାକୁ ବ୍ରହ୍ମପୁର ବଡ ମେଡିକାଲକୁ ପଠାଇଛି।
ଗତ ୧୪ ତାରିଖ ସନ୍ଧ୍ୟାରେ ଶାନ୍ତନୁ ଘରୁ ବାହାରକୁ ଯାଇ ଆଉ ଫେରି ନଥିଲେ। ପରିବାର ପକ୍ଷରୁ ବହୁ ଖୋଜା ଖୋଜି ପରେ ମଧ୍ୟ ଶାନ୍ତନୁଙ୍କ କୈାଣସି ଖୋଜଖବର ମିଳି ପାରିନଥିଲା। ଶେଷରେ ପରିବାର ପକ୍ଷରୁ ୧୬ ତାରିଖ ଅପରାହ୍ନରେ ଗୋଳନ୍ଥରା ଥାନାରେ ଶାନ୍ତନୁ ନିଖୋଜ ନେଇ ଏକ ଲିଖିତ ଅଭିଯୋଗ କରିଥିଲେ। ପୁଲିସ ନିଖୋଜ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା। ଆଜି ସକାଳେ ଜଣେ ଯୁବକଙ୍କ ମୃତଦେହ ଜାତୀୟ ରାଜପଥ କଡ ନାଳରେ ଭାସୁଥିବା ଦେଖି ଲୋକମାନେ ପୁଲିସକୁ ଖବର ଦେଇଥିଲେ। ପୁଲିସ ଘଟଣାସ୍ଥଳରେ ପହଞ୍ଚି ପ୍ରଥମେ ମୃତଦେହକୁ ନାଳରୁ ବାହାର କରି, ଶାନ୍ତନୁଙ୍କ ପରିବାରକୁ ଅବଗତ କରାଇଥିଲେ। ମାମଲା ରୁଜୁ କରି ଶାନ୍ତନୁଙ୍କ ମୃତ୍ୟୁ କିପରି ହେଲା, ପୁଲିସ ତଦନ୍ତ ଜାରି ରଖିଛି।
ଜିଓର ଖାସ୍ ରିଚାର୍ଜ ପ୍ଲାନ୍ ; ମାଗଣାରେ ଦେଖିପାରିବେ ‘ପାତାଲ ଲୋକ ୨’, ମିଳିବ ଏସବୁ ସୁବିଧା..
