ନୂଆଦିଲ୍ଲୀ : ହୋଣ୍ଡା ମୋଟରସାଇକେଲ ଏଣ୍ଡ୍ ସ୍କୁଟର ଇଣ୍ଡିଆ ପୁଣି ଥରେ ଭାରତୀୟ ବଜାରରେ ନିଜ ନୂଆ ସ୍ପୋର୍ଟ ବାଇକ୍ ସିବିଆର୍୬୫୦ଆର୍ ଓ ସିବି୬୫୦ଆର୍ ଲଞ୍ଚ୍ କରିଦେଇଛି । ଦିନକ ପୂର୍ବରୁ କମ୍ପାନୀ ଏହାର ଏକ ଟିଜର ମଧ୍ୟ ଜାରି କରିଥିଲା । କମ୍ପାନୀ ସିବି୬୫୦ଆରର ପ୍ରାରମ୍ଭିକ ଏକ୍ସ-ଶୋରୁମ୍ ଦାମ୍ ୯.୨୦ ଲକ୍ଷ ଟଙ୍କା ରଖିଥିବାବେଳେ ସିବିଆର୍ ୬୫୦ଆରର ଦାମ୍ ୯.୯୯ ଲକ୍ଷ ଟଙ୍କା ନିର୍ଦ୍ଧାରିତ ହୋଇଛି । ଉଭୟ ବାଇକରେ ୬୪୯ ସିସିର ଇଞ୍ଜିନ ମିଳିବ । ଏହି ଇଞ୍ଜିନ ୯୫ ଏଚପିର ପାଓ୍ବର ଏବଂ ୬୩ ଏନଏମର ଟର୍କ ଉତ୍ପନ କରିବ ।
କମ୍ପାନୀ ନୂଆ ମଡେଲରେ ଏହି ମୋଟରସାଇକେଲର ପାଓ୍ବରକୁ ସାମାନ୍ୟ କମ୍ କରିଛି ଯାହା ଫଳରେ ଗ୍ରାହକଙ୍କୁ ଉତ୍ତମ ମାଇଲେଜ୍ ମିଳିପାରିବ । ଏହି ୨ ମୋଟରସାଇକେଲରେ ୫ ଇଞ୍ଚର ଟିଏଫଟି ଡିସପ୍ଲେ ମିଳିବ । ଏହି ଡିସପ୍ଲେ ବ୍ଲୁଟୁଥ୍ କନେକ୍ଟିଭିଟି ସହ ଆସିବ ଯାହା କମ୍ପାନୀର ରୋଡସିଙ୍ଗ୍ ଆପ୍ ସାହାଯ୍ୟରେ କନେକ୍ଟ ହେବ । ଥରେ ଏହା କନେକ୍ଟ ହୋଇଗଲେ ଫୋନ୍ କଲ୍, ମେସେଜ୍ ଆଦି ଜରୁରି ତଥ୍ୟର ଡିଟେଲ୍ସ ମିଳିବ । କମ୍ପାନୀ ଏହି ମୋଟରସାଇକେଲକୁ ୨ଟି ରଙ୍ଗର ବିକଳ୍ପ ସହିତ ଆଣିଛି । ପ୍ରଥମଟି ହୋଣ୍ଡ୍ ରେଡ୍ ଏବଂ ଅନ୍ୟଟି ମ୍ୟୁଟେଡ୍ ମ୍ୟାଟ୍ ବ୍ଲାକ୍ ସାମିଲ ।
ଭାରତରେ ସିବି୬୫୦ଆରର ସିଧା ମୁକାବିଲା ଟ୍ରାଏମ୍ଫ ଟ୍ରାଇଡେଣ୍ଟ ୬୬୦ ସହ ହେବ ଯାହା ଏକ୍ସ ଶୋରୁମ୍ ଦାମ୍ ୮.୧୦ ଲକ୍ଷ ଟଙ୍କା । ଅନ୍ୟପଟେ ଏହି ବାଇକ୍ କାଓ୍ବାସାକି ଜେଡ୯୦୦କୁ ମଧ୍ୟ ଟକ୍କର ହେବ ଯାହାର ଏକ୍ସ ଶୋରୁମ୍ ଦାମ୍ ୯.୩୮ ଲକ୍ଷ ଟଙ୍କା । ହୋଣ୍ଡା କହିଛି କି ଗ୍ରାହକ ଏନଏକ୍ସ ୫୦୦ର ପ୍ରି-ବୁକିଂ କରିସାରିଛନ୍ତି, ସମସ୍ତଙ୍କୁ ଚଳିତ ମାସରୁ ଡେଲିଭରୀ ମିଳିବା ଆରମ୍ଭ ହୋଇଯିବ ।
