ଆଠଗଡ: କଟକ କଳା ବିକାଶ କେନ୍ଦ୍ରଠାରେ ଶନିବାର ଆୟୋଜିତ ସର୍ବଭାରତୀୟ ଆଇନଜୀବୀ ସଂଘର ଦ୍ୱିତୀୟ ଜାତୀୟ ସମ୍ମିଳନୀ ଅବସରରେ ଆଠଗଡର ବୟୋଜ୍ୟେଷ୍ଠ ଆଇନଜୀବୀ ପ୍ରାଣକୃଷ୍ଣ ଦାଶଙ୍କୁ ସମ୍ବର୍ଦ୍ଧିତ କରାଯାଇଛି। ଏହି ଦୁଇଦିନିଆ ସମ୍ମିଳନୀର ପ୍ରଥମ ଦିନରେ ସର୍ବୋଚ୍ଚ ନ୍ୟାୟାଳୟର ପ୍ରାକ୍ତନ ବିଚାରପତି ନ୍ୟାୟମୂର୍ତ୍ତି ଅନଙ୍ଗ କୁମାର ପଟ୍ଟନାୟକ ଓ ମୁଖ୍ଯବକ୍ତା ଭାବେ ନ୍ୟାୟମୂର୍ତ୍ତି କେ ଚନ୍ଦ୍ରୁ ଯୋଗଦାନ କରି ଆଇନ ସେବା କ୍ଷେତ୍ରରେ ଜୀବନ ବ୍ୟାପୀ ସାଧନା ଲାଗି ଶ୍ରୀ ଦାଶଙ୍କୁ ସମ୍ବର୍ଦ୍ଧିତ କରିଥିଲେ। ୮୪ ବର୍ଷରେ ପଦାର୍ପଣ କରିଥିବା ଆଠଗଡ ଓକିଲ ସଂଘର ପୂର୍ବତନ ସଭାପତି ଶ୍ରୀ ଦାଶ ବିଗତ ୫୫ ବର୍ଷ ଧରି ଆଇନ ସେବାରେ ରହି ଆସିଛନ୍ତି । ତାଙ୍କୁ ଜୀବନ ବ୍ୟାପୀ ସାଧନା ପାଇଁ ସମ୍ବର୍ଦ୍ଧିତ କରାଯାଇଥିବାରୁ ଆଠଗଡ ଓକିଲ ସଂଘର ସଭାପତି, ସମ୍ପାଦକ ଓ ବହୁ ଆଇନଜୀବୀଙ୍କ ସମେତ ବିଭିନ୍ନ ଅନୁଷ୍ଠାନ ଏବଂ ବ୍ଯକ୍ତିବିଶେଷ ଶ୍ରୀ ଦାଶଙ୍କୁ ଅଭିନନ୍ଦନ ଜଣାଇଥିଲେ ।
Comments are closed.