ବିଳମ୍ବିତ ରାତିରେ ରେଭେନ୍ସା କ୍ୟାମ୍ପସରେ ଆତସବାଜି

ଡେସ୍କ: ବିଳମ୍ବିତ ରାତିରେ ରେଭେନ୍ସା ବିଶ୍ଵବିଦ୍ୟାଳୟ କ୍ୟାମ୍ପସ ଭିତରେ ଫୁଟିଲା ବାଣ। ଯଦିଓ ଏହି ଘଟଣାରେ ସମସ୍ତେ ଆଶ୍ଚର୍ଯ୍ୟ ହୋଇଥିଲେ କିନ୍ତୁ କଣ ପାଇଁ ବିଳମ୍ବିତ ରାତିରେ ଆତସବାଜି ହେଉଛି ତାହା ଜାଣିପାରିନଥିଲେ। କାରଣ କୌଣସି ବିଭାଗୀୟ କାର୍ଯକ୍ରମ ନ ଥିଲା। ଜଣେ ଛାତ୍ର ନେତାଙ୍କ କିଛି ପ୍ରଶଂସକ ଏଭଳି କରିଥିବା ଜଣାପଡିଛି। ତେବେ କ୍ୟାମ୍ପସ ମଧ୍ୟରେ ଏସବୁ ବାରଣ ହୋଇଥିଲେ ମଧ୍ୟ ସୁରକ୍ଷାକର୍ମୀ ଏହି ଘଟଣାରେ ଚୁପ ରହିଥିଲେ। କିଛି ଦିନ ପୂର୍ବରୁ କ୍ୟାମ୍ପସରେ ଜଣେ ଛାତ୍ରଙ୍କୁ ମାଡ ମାରି ଛାତ୍ର ନେତା ବବି ଖାନ ଗିରଫ ହୋଇଥିଲେ। ଗତକଲି ସେ ଜାମିନରେ ଆସିବା ପରେ ସରକାରୀ ବିଶ୍ଵବିଦ୍ୟାଳୟ କ୍ୟାମ୍ପସ ମଧ୍ୟରେ ଏଭଳି ଆୟୋଜନ ଦେଖିବାକୁ ମିଳିଥିଲା। ତେବେ ସୁରକ୍ଷା କର୍ମୀଙ୍କ ଉପସ୍ଥିତିରେ ଏଭଳି ଆୟୋଜନ କିପରି ହେଲା ସେ ନେଇ ପ୍ରଶ୍ନ ଉଠିଛି।

ବିଳମ୍ବିତ ରାତିରେ ରେଭେନ୍ସା କ୍ୟାମ୍ପସରେ ଆତସବାଜି pic.twitter.com/2XAM0GZN6Q

— Samaja Live (@samajalive) December 18, 2024