କଳାପଥର(ବାଙ୍କୀ): ଜୀବନ ଜ୍ୟୋତି କ୍ରିକେଟ କ୍ଲବ କଳାପଥର ଆନୁକୂଲ୍ୟରେ ଆରମ୍ଭ ହୋଇଥିବା ପ୍ରଥମ ସତ୍ୟଭାମା-ଚୌଧୁରୀ ସ୍ମାରକୀ କ୍ରିକେଟ ଟୁର୍ନାମେଣ୍ଟର ତୃତୀୟ ଦିବସରେ କଳିଙ୍ଗ ଖୋର୍ଦ୍ଧାକୁ ୮ ଓ୍ବିକେଟରେ ହରାଇ ମଞ୍ଚଶ୍ୱର ଭୁବନେଶ୍ୱର ସେମିଫାଇନାଲରେ ପ୍ରବେଶ କରିଛି। ପ୍ରଥମେ ବ୍ୟାଟିଂ କରି କଳିଙ୍ଗ ଖୋର୍ଦ୍ଧା ନିର୍ଦ୍ଧାରିତ ୨୨ ଓଭରରେ ୮ ଓ୍ବିକେଟ ହରାଇ ୧୨୭ ରନ ସଂଗ୍ରହ କରିଥିଲା। ଦଳ ପକ୍ଷରୁ କାଳିଆ ସାହୁ ସର୍ବାଧିକ ୪୦ ରନ (୨୪) ସଂଗ୍ରହ କରିଥିଲେ। ମଞ୍ଚେଶ୍ୱର ଦଳର ରବୀନ୍ଦ୍ର ନାୟକ ୨୩ରନ ଦେଇ ୫ଟି ସଫଳତା ପାଇଥିଲେ। ଏହାର ଜବାବରେ ମଞ୍ଚେଶ୍ୱର ଦଳ ୧୩ ଓଭରରେ ୨ ଓ୍ବିକେଟ ହରାଇ ୧୨୮ରନ କରି ବିଜୟୀ ହୋଇଥିଲା। ଦଳ ପକ୍ଷରୁ ବିବେକ ସାହୁ ସର୍ବାଧିକ ୫୦ (୩୧)ରନ ସଂଗ୍ରହ କରିଥିଲେ। ପ୍ରତୀପକ୍ଷ ଦଳର ଭକ୍ତବନ୍ଧୁ ରାଉତ ୧ଟି ସଫଳତା ପାଇଥିଲେ। ରବୀନ୍ଦ୍ର ନାୟକ ମ୍ୟାନ ଅଫ ଦ ମ୍ୟାଚ ବିବେଚିତ ହୋଇଥିଲେ। ଆଜିର ମ୍ୟାଚକୁ ପ୍ରଦୀପ ଦାସ ଏବଂ ମନୋଜ ମହାପାତ୍ର ପରିଚାଳନା କରିଥିଲା ବେଳେ ଗୋରାଚନ୍ଦ ମିଶ୍ର, ମୁକେଶ କୁମାର ସାହୁ ଘୋଷକ ଥିଲେ। କଳାପଥର ଏସବିଆଇ ଶାଖା ପ୍ରବନ୍ଧକ ହୃଷିକେଶ ବେହେରା ଏବଂ ଶିଳ୍ପପତି ପ୍ରସନ କୁମାର ସାହୁ ଅତିଥିଭାବେ ଯୋଗଦେଥିଲେ।
Comments are closed.