ଅଷ୍ଟ୍ରେଲିଆଠାରେ ଚାଲିଥିବା ୨୧ତମ ରାଜ୍ୟଗୋଷ୍ଠୀ କ୍ରୀଡ଼ାରେ ଅଦ୍ୟାବଧି ଭାରତୀୟ ଖେଳାଳିମାନେ ଭାରୋତ୍ତୋଳନ ପ୍ରତିଯୋଗିତାରେ ଗୋଟିଏ ପରେ ଗୋଟିଏ ସଫଳତାର ଫର୍ଦ୍ଦ ଯୋଡ଼ିଚାଲିଥିବା ବେଳେ ବନ୍ଧୁକ ଚାଳନାରେ ସ୍ୱର୍ଣ୍ଣିମ ଅଧ୍ୟାୟ ଆରମ୍ଭ ହୋଇଛି। ଗତ କାଲି ବନ୍ଧୁକ ଚାଳନାରେ ଭାରତକୁ ତିନିଟି ପଦକ ମିଳିଥିଲା। ଆଜି ପୁଣି ଆଉ ଦୁଇଟି ପଦକ ମିଳିଛି। ଗତ କାଲି ମହିଳା ୧୦ ମି ଏୟାର ପିସ୍ତଲ୍ ପ୍ରତିଯୋଗିତାରେ ମନୁ ଭାକର ସ୍ୱର୍ଣ୍ଣ ଓ ହିନା ସିଦ୍ଧୁ ରୌପ୍ୟ ପଦକ ଜିତିଥିବା ବେଳେ ପୁରୁଷ ବର୍ଗରେ ରବି କୁମାର କାଂସ୍ୟ ପଦକ ଜିତିଥିଲେ। ଆଜି ୧୦ ମି ଏୟାର ପିସ୍ତଲ୍ ପ୍ରତିଯୋଗିତାରେ ଜିତୁ ରାଏ ସ୍ୱର୍ଣ୍ଣ ଓ ଓମ୍ ମିଥାରୱାଲ କାଂସ୍ୟ ପଦକ ଜିତଛନ୍ତି। ସେହିପରି ଆଜି ମହିଳା ବର୍ଗ ଏୟାର ପିସ୍ତଲ୍ରେ ମେହୁଲି ଘୋଷ ରୌପ୍ୟ ଓ ଅପୂର୍ବି ଚାଣ୍ଡେଲା କାଂସ୍ୟ ପଦକ ଜିତିଛନ୍ତି।
ଭାରୋତ୍ତଳନରେ ମହିଳା ୯୪ କେଜି ବର୍ଗରେ ପୁନମ ଯାଦବ, ୪୮ କେଜି ବର୍ଗରେ ମିରବାଇ ଚାନୁ ଓ ୫୩ କେଜି ବର୍ଗରେ ସଞ୍ଜିତା ଚାନୁ ସ୍ୱର୍ଣ୍ଣ ପଦକ ଜିତିଥିବା ବେଳେ ପୁରୁଷ ଭାରୋତ୍ତଳନ ୮୫ କେଜି ବର୍ଗରେ ଭି ରାହୁଲ୍ ଆର ଓ ୭୭କେଜି ବର୍ଗରେ ସତୀଶ କୁମାର ଶିବଲିଙ୍ଗମ୍ ସ୍ୱର୍ଣ ପଦକ ଜିିିତି ଭାରତ ପାଇଁ ଗୌରବ ଆଣିଛନ୍ତି। ସେହିପରି ୫୬ କେଜି ବର୍ଗରେ ପି ଗୁରୁରାଜ ରୌପ୍ୟ ପଦକ ଜିତିଛନ୍ତି। ୧୦୫ କେଜି ବର୍ଗରେ ପ୍ରଦୀପ ସିଂହ, ୯୪ କେଜି ବର୍ଗରେ ବିକାଶ ଠାକୁର ଓ ୬୯ ବର୍ଗରେ ଦୀପକ ଲାଥୁର କାଂସ୍ୟ ପଦକ ଜିତିଛନ୍ତି।
ଭାରୋତ୍ତୋଳନ ଓ ବନ୍ଧୁକ ଚାଳନାରେ ଭାରତୀୟଙ୍କ ଜୟଯାତ୍ରା
Popular Categories
Previous article
Next article