ଗୋଲ୍ଡକୋଷ୍ଟ: ଏଠାରେ ଚାଲିଥିବା ରାଜ୍ୟଗୋଷ୍ଠୀ କ୍ରୀଡାରେ ୧୦ ମିଟର ଏୟାର ପିସ୍ତଲ ପ୍ରତିଯୋଗିତାରେ ଭାରତର ଜିତୁ ରାଏ ସ୍ୱର୍ଣ୍ଣ ପଦକ ଜିତିଛନ୍ତି ।ଏହି ପ୍ରତିଯୋଗିତାରେ ମିଥାର୍ଭାଲ କାଂସ୍ୟ ପଦକ ଜିତିଛନ୍ତି । ମହିଳା ୧୦ ମିଟର ଏୟାର ପିସ୍ତଲରେ ମେହୁଲି ଘୋଷ ରୌପ୍ୟ ଓ ଅପୂର୍ବି ଚାଣ୍ଡୋଲା କାଂସ୍ୟ ପଦକ ଜିତିଛନ୍ତି । ୧୦୫ କିଲୋଗ୍ରାମ ଭାର ଉତ୍ତୋଳନରେ ପ୍ରଦୀପ ସିଂ ରୌପ୍ୟ ପଦକ ଜିତିଛନ୍ତି ।
ରବିବାରରେ ଭାରତୀୟ କ୍ରୀଡ଼ାବିତ୍ମାନେ ୨ଟି ସ୍ୱର୍ଣ୍ଣ ଓ ଗୋଟିଏ ରୌପ୍ୟ ଓ ଗୋଟିଏ କାଂସ୍ୟ ସହିତ ମୋଟ ୪ଟି ପଦକ ଜିତି ଭାରତ ପାଇଁ ଗୌରବ ଆଣିଥିଲେ। ମହିଳା ଭାରୋତ୍ତୋଳନ ୬୯ କେଜି ବର୍ଗରେ ପୁନମ ଯାଦବ ସ୍ୱର୍ଣ୍ଣ ପଦକ ଜିତିଥିଲେ। ଏଥିସହିତ ୧୦ ମି ମହିଳା ବନ୍ଧୁକ ଚାଳନାରେ ମନୁ ଭାକର ସ୍ୱର୍ଣ୍ଣ ପଦକ ଓ ହିନା ସିନ୍ଧୁ ରୌପ୍ୟ ପଦକ ଜିତିଥିଲେ। ପୁରୁଷ ୧୦ ମି ବନ୍ଧୁକ ଚାଳନାରେ ରବି କୁମାର କାଂସ୍ୟ ପଦକ ଜିତିଥିଲେ।
