ପାତ୍ରପୁର: ପାତ୍ରପୁର ଅଞ୍ଚଳରେ ଶୁକ୍ରବାର ତିନିଟି ପୃଥକ୍ ଦୁର୍ଘଟଣାରେ %ଜଣ ଆହତ ହୋଇଥିବାବେଳେ ୩ ଜଣ ଗୁରୁତର ଆହତ ହୋଇଛନ୍ତି। କେକୁହା ପେଟ୍ରୋଲ ପମ୍ପ ନିକଟରେ ଏକ ସ୍କୁଟି ଦୁର୍ଘଟଣାଗ୍ରସ୍ତ ହେବା ଫଳରେ ବାଦପୁର ଗ୍ରାମର କୃତିବାସ ସେଠୀ ଏବଂ ସଞ୍ଜୁ ସେଠୀ ଆହତ ହୋଇଥିଲେ। ଗୁରୁତର ସଞ୍ଜୁଙ୍କୁ ବ୍ରହ୍ମପୁର ସ୍ଥାନାନ୍ତରିତ କରାଯାଇଛି। ପାତ୍ରପୁରର ଜଣେ ମହିଳା ପ୍ରତିମା ମହାପାତ୍ରଙ୍କୁ ଏକ ବାଇକ ଧକ୍କା ଦେବା ଫଳରେ ସେ ଗୁରୁତର ହୋଇଥିବା ବେଳେ ତାଙ୍କୁ ବ୍ରହ୍ମପୁର ସ୍ଥାନାନ୍ତରିତ କରାଯାଇଛି। ସେହିପରି ସନ୍ଧ୍ୟାରେ ବାଦପୁର ପେଟ୍ରୋଲ ପମ୍ପ ନିକଟରେ ଆନ୍ଧ୍ରପ୍ରଦେଶ ଅରଖପଦା ଗ୍ରାମର ତ୍ରିନାଥ ବେହେରା ଦୁର୍ଘଟଣାରେ ଆହତ ହୋଇଛନ୍ତି। ଫଳରେ ତାଙ୍କୁ ଆମ୍ବୁଲାନ୍ସ ଯୋଗେ ପାତ୍ରପୁର ଡାକ୍ତରଖାନାକୁ ଅଣାଯାଇଥିଲା। ପାତ୍ରପୁର ଅଞ୍ଚଳରେ ବେପରୁଆ ଗାଡ଼ି ଚାଳନା ଯୋଗୁଁ ନିୟମିତ ଦୁର୍ଘଟଣା ଘଟୁଛି। ତେବେ ସନ୍ଧ୍ୟା ସମୟରେ ମଦ୍ୟପାନ କରି ଗାଡ଼ି ଚାଳନା ଯୋଗୁ ବହୁ ଦୁର୍ଘଟଣା ମଧ୍ୟ ଘଟୁଛି। ପୁଲିସ ନିୟମିତ ସନ୍ଧ୍ୟାରେ ଗାଡ଼ି ଯାଞ୍ଚ କଲେ ଦୁର୍ଘଟଣା କମିବା ସହ ଗାଡ଼ି ଚାଳକ ସଚେତନ ହୋଇପାରିବେ ବୋଲି ସାଧାରଣରେ ମତପ୍ରକାଶ ପାଇଛି।
Popular Categories
Previous article
Next article