ବରେଲୀ : ଉତ୍ତରପ୍ରଦେଶର ବରେଲୀ ଜିଲା ଖଲୀଲପୁର ଅଞ୍ଚଳରେ ଏକ ପିଟ୍ବୁଲ୍ କୁକୁର ନିଜ ମାଲିକଙ୍କର ୨୬ ବର୍ଷୀୟ ପୁଅଙ୍କ ମୁହଁରୁ ମାଂସ ଝାମ୍ପି ନେଇ ଲହୁଲୁହାଣ କରିଥିବା ଖବର ସାମ୍ନାକୁ ଆସିଛି । ଜଣେ ଅଧିକାରୀ କହିଛନ୍ତି, ପିଟ୍ବୁଲ୍ ଏଭଳି ଆକ୍ରମଣ କରିଛି ଯେ, ଯୁବକଙ୍କ ଓଠ ସହ ତ୍ୱଚାର ଅନ୍ୟ ଅଂଶର ମାଂସ ବାହାରି ଆସିଛି ।
ମିଳିଥିବା ସୂଚନାନୁଯାୟୀ, ଖଲୀଲପୁର ନିବାସୀ ଏକ କଲେଜର ଚ୍ୟାୟରମ୍ୟାନ୍ ଶଙ୍କରଲାଲଙ୍କ ଘରେ ପିଟ୍ବୁଲ୍ ଏକ ଧଳାରଙ୍ଗର କୁକୁର ଛଅ ମାସ ପୂର୍ବରୁ ହିଁ ଆସିଥିଲା । ତାଙ୍କ ପୁଅ ଆଦିତ୍ୟ କୁକୁରକୁ ବୁଲାଇବା ପାଇଁ ସୋମବାର ଅର୍ଥାତ୍ ନଭେମ୍ବର ୧୧ରେ ଘରୁ ବାହାରକୁ ନେଇ ଯାଇଥିଲା । ସେହି ସମୟରେ କୁକୁର ହଠାତ୍ ତାଙ୍କ ଉପରେ ଆକ୍ରମଣ କରିଥିଲା । ଏହାପରେ ତାଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଥିଲା ।
କୁକୁରକୁ ଉଦ୍ଧାର କରାଯାଇ ଅନ୍ୟ ସ୍ଥାନରେ ରଖାଯାଇଛି । ମାତ୍ର ସ୍ଥାନୀୟ ଲୋକେ କହିଛନ୍ତି, ଆଦିତ୍ୟଙ୍କ ଚିତ୍କାର ଶୁଣିବା ପରେ ଲୋକେ ତାଙ୍କୁ ରକ୍ତାକ୍ତ ଅବସ୍ଥାରେ ଉଦ୍ଧାର କରିଥିଲେ ।
ପିଟ୍ବୁଲ୍ ନିଜର ହିଂସ୍ର ଗୁଣ ପାଇଁ ଜଣାଶୁଣା । ଏମାନେ ଅଧିକାଂଶ ସମୟରେ ନିଜ ମାଲିକଙ୍କ ଉପରେ ମଧ୍ୟ ଆକ୍ରମଣ କରି ଥାଆନ୍ତି ।
ଜାଣନ୍ତି କି ସୁପରଷ୍ଟାର ଶାହାରୁଖ୍ ପିନ୍ଧିଥିବା ଏହି ଘଣ୍ଟାର ଦାମ୍ କେତେ..
