ଭୁବନେଶ୍ଵର: ବଲାଙ୍ଗିର ଜିଲା ପାଟଣାଗଡ଼ ବ୍ଲକ ଅନ୍ତର୍ଗତ ଝୁଲେନବାର ଗାଁ ନିକଟରେ ୫ କୋଟି ଟଙ୍କା ବ୍ୟୟ ଅଟକଳରେ ନବନିର୍ମିତ ୩୩/୧୧ କେଭି ବିଦ୍ୟୁତ ଗ୍ରୀଡକୁ ଦୀପାବଳି ଅବସରରେ ଉଦଘାଟନ କରିଛନ୍ତି । ଅନ୍ୟମାନଙ୍କ ମଧ୍ୟରେ ବଲାଙ୍ଗିର ସାଂସଦ ସଙ୍ଗୀତା ସିଂହଦେଓଙ୍କ ସହ ବଲାଙ୍ଗିର ଜିଲ୍ଲାପାଳ ଶିବାଜି ଗୌରବ ଈଶାଲୱାର ଉପସ୍ଥିତ ଥିଲେ। କାର୍ଯ୍ୟକ୍ରମରେ ଟାଟା ପାୱାରର ଅଧିକାରୀ ଆଶିଷ କୁମାର ପଣ୍ଡା ସଭାରେ ଅଧ୍ୟକ୍ଷତା କରିଥିଲେ।
ଏହି ଗ୍ରୀଡ ସ୍ଥାପନ ଦ୍ଵାରା ୬ ଟି ଗ୍ରାମ ପଞ୍ଚାୟତର ୩୦ ଟି ଗ୍ରାମର ୫୦୦୦ ଘରୋଇ ଉପଭୋକ୍ତା ଗୁଣାତ୍ମକ ବିଦ୍ୟୁତ ପାଇବା ସହ, ୪୦୦ ଉଠା ଜଳସେଚନର ଉପଭୋକ୍ତା ଏବଂ ବହୁ ସଂଖ୍ୟକ ଚାଷୀମାନେ ଉପକୃତ ହେବେ । ଏହି ଅଞ୍ଚଳର ଲୋକେ ୨୪x ୭ ନିରନ୍ତର ବିଦ୍ୟୁତ ପାଇବେ, ଏହାଦ୍ଵାରା ସମସ୍ତ ବାସିନ୍ଦାଙ୍କ ଜୀବନଶୈଳୀ ଉନ୍ନତ କରିବାରେ ଏକ ଗୁରୁତ୍ଵପୂର୍ଣ୍ଣ ପଦକ୍ଷେପ ସାବ୍ୟସ୍ତ ହେବ ବୋଲି କାର୍ଯ୍ୟକ୍ରମରେ ଯୋଗଦେଇ ଶ୍ରୀ ସିଂହଦେଓ କହିଥିଲେ। ସେ ଆହୁରି ମଧ୍ୟ କହିଥିଲେ ଯେ, ୨୦୧୮ ମସିହାରୁ ଏହି ଗ୍ରୀଡ କାମ ଆରମ୍ଭ ହୋଇଥିଲା ଆଜି ଏହା ସମ୍ପୂର୍ଣ୍ଣ ହୋଇଛି।ଏହି ଅଞ୍ଚଳର ଲୋକଙ୍କ ଦାବି ପୂରଣ ହୋଇଛି।
Comments are closed.