ସମାଜ ଡିଜିଟାଲ ଡେସ୍କ: ଶୀର୍ଷକଟି ସାମାନ୍ୟ ଆଶ୍ଚର୍ଯ୍ୟ ଲାଗୁଥାଇପାରେ। କିନ୍ତୁ ଏମିତି କିଛି ଦେଖିବାକୁ ମିଳିଛି ବେଙ୍ଗାଲୁରୁରେ ଚାଲିଥିବା ପ୍ରଥମ ଟେଷ୍ଟ ମ୍ୟାଚରେ। ସାମାଜିକ ଗଣମାଧ୍ୟମରେ ଏହାର ଏକ ଭିଡିଓ ପ୍ରଘଟ ହେବାରେ ଲାଗିଛି। ଯେଉଁଥିରେ ଦେଖିବାକୁ ମିଳିଛି ଯେ ଭାରତୀୟ ଦଳର ଅଧିନାୟକ ରୋହିତ ଶର୍ମା ପଡ଼ିଆକୁ ଯିବାକୁ ବାଟ ପାଉନାହାନ୍ତି। ଫଳରେ ସେ ବାଉଣ୍ଡାରୀ ବାହାରେ ଲାଗିଥିବା ସାଇଟ୍ ସ୍କ୍ରିନ୍ ପଛ ପାଖ ଦେଇ ପଡ଼ିଆରେ ପ୍ରବେଶ କରୁଛନ୍ତି। ଜଣେ ଦର୍ଶକ ଏହି ଭିଡିଓଟି ଉତ୍ତୋଳନ କରି ସାମାଜିକ ଗଣମାଧ୍ୟମରେ ଶେୟାର କରିଛନ୍ତି।
ତେବେ ରୋହିତଙ୍କ ଏପରି କାରନାମା ପ୍ରଶଂସକଙ୍କ ମନରେ ଉତ୍ସୁକତା ଭରିଦେଇଛି। ପ୍ରଶଂସକମାନେ ନାନା ପ୍ରକାର କୌତୁହଳପୂର୍ଣ୍ଣ ମନ୍ତବ୍ୟ ଦେଉଛନ୍ତି। ରୋହିତ ଏଭଳି କରିବାରେ ବେଶ୍ ମାହିର। ସେ ସର୍ବଦା ପଡ଼ିଆରେ ନିଜ ସାଥୀ ଖେଳାଳି ଏବଂ ପ୍ରଶଂସକମାନଙ୍କ ମନୋରଞ୍ଜନ କରାଇବାକୁ ଉଦ୍ୟମ କରିଥାନ୍ତି। ଏଥିପାଇଁ ନାନା ପ୍ରକାର କୌତୁହଳପୂର୍ଣ୍ଣ କାର୍ଯ୍ୟ କରୁଥିବା ଦେଖିବାକୁ ମିଳିଥାଏ। ଠିକ୍ ସେହିପରି ରୋହିତ ପଡ଼ିଆକୁ ଠିକ୍ ବାଟରେ ନ ଯାଇ ସାଇଟ୍ ସ୍କ୍ରିନ୍ ପଛପଟ ରାସ୍ତା ଦେଇ ଯାଉଥିବା ଦେଖିବାକୁ ମିଳିଛି।
Never seen a funnier character than Rohit Sharma. Absolutely unfiltered! 😂 pic.twitter.com/IlEndPjiHO
— 𝐉𝐨𝐝 𝐈𝐧𝐬𝐚𝐧𝐞 (@jod_insane) October 18, 2024
