ପାଟଣା: କେନ୍ଦୁଝର ଜିଲ୍ଲା ପାଟଣା ଷ୍ଟାଡିୟମ ଠାରେ ପାଟଣା କ୍ରିକେଟ କ୍ଳବ୍ ଆନୁକୂଲ୍ୟରେ ଏକ ଟି ୨୦ କ୍ରିକେଟ ପ୍ରତିଯୋଗିତା ଆଜି ଉଦଘାଟିତ ହୋଇଛି। ଏଥିରେ ୪ଟି କ୍ରିକେଟ ଦଳ ଅଂଶଗ୍ରହଣ କରିବେ ବୋଲି ଜଣାପଡିଛି। ଉଦଘାଟନ ଉତ୍ସବରେ ଅତିଥି ଭାବେ ସମାଜସେବୀ ଅଜୟ କୁମାର ଦାଶ,ପାଟଣା ପ୍ରେସ କ୍ଲବ ସମ୍ପାଦକ ବିଜୟରତ୍ନ ପତି, ପାଟଣା ମହାବିଦ୍ୟାଳୟର କ୍ରୀଡା ଶିକ୍ଷକ କ୍ୟାପଟେନ ଧର୍ମେନ୍ଦ୍ର କୁମାର ସାହୁ ପ୍ରମୁଖ ଯୋଗ ଦେଇ ପ୍ରତିଯୋଗିତାର ଶୁଭ ଉଦଘାଟନ କରିଥିଲେ। ଉଦଘାଟନୀ ମ୍ୟାଚ୍ ଯଶିପୁର ଏକାଦଶ ଏବଂ ଧକୋଠା ଏକାଦଶ କ୍ରିକେଟ ଦଳଙ୍କ ମଧ୍ୟରେ ହୋଇଥିଲା ଏଥିରେ ଯଶିପୁର ପ୍ରଥମେ ବ୍ୟାଟିଂ କରି ୨୦ ଓଭର ରେ ୨୮୬ ରନ କରିଥିବା ବେଳେ ଜବାବ ରେ ଧକୋଠା କ୍ରିକେଟ ଦଳ ୨୦୭ ରନ କରି ଅଲ ଆଉଟ୍ ହୋଇଯାଇଥିଲେ। ଫଳରେ ଯଶିପୁର ଦଳ ୭୯ ରନ ରେ ବିଜୟ ଲାଭ କରିଥିଲା । ଅମ୍ପାୟାର ଭାବେ ବିପ୍ଳବ କୁମାର ପୃଷ୍ଟି ଏବଂ ମାନସ ମହାନ୍ତ ଖେଳ ପରିଚାଳନା କରିଥିବା ବେଳେ କିଶୋର କୁମାର ସେଠୀ ଧାରା ବିବରଣୀ ପ୍ରଦାନ କରିଥିଲେ। ପାଟଣା କ୍ରିକେଟ କ୍ଳବ୍ ର ସନତ କୁମାର ଦାଶ, ଚିନ୍ମୟ ଦାଶ, ବିପ୍ଳବ କୁମାର ପୃଷ୍ଟି,ଦେବାଶିଷ ପଟ୍ଟନାୟକ,ପ୍ରିତମ ଭଞ୍ଜ,ନିଖିଲ ପତି,ପବନ ବାରିକ ପ୍ରମୁଖ ଖେଳ ପରିଚାଳନାରେ ସହଯୋଗ କରୁଛନ୍ତି।
Popular Categories
Previous article
Next article