ଲକ୍ଷ୍ମୀପୁର: ସତ୍ୟ ଖବର ପ୍ରକାଶ କରିବା କାରଣରୁ ଗଣମାଧ୍ୟମ ପ୍ରତିନିଧିଙ୍କ ନାମରେ ମିଥ୍ୟା ଏତଲା ଓ ମାମଲା। ଗତ ୫ ତାରିଖରେ ସମାଜ ସହିତ ଅନ୍ୟ କିଛି ପ୍ରମୁଖ ଖବରକାଗଜରେ କୋରାପୁଟ ଜିଲା ଲକ୍ଷ୍ମୀପୁର ବ୍ଲକର ଓଡ଼ିଆପେଣ୍ଠ ପଞ୍ଚାୟତର କେନ୍ଦୁୱାଡା ଅଙ୍ଗନବାଡ଼ି କେନ୍ଦ୍ରରେ ଅନିୟମିତତା ସମ୍ପର୍କରେ ଗ୍ରାମବାସୀଙ୍କ ଅଭିଯୋଗ ଆଧାରରେ ଖବର ପ୍ରକାଶିତ ହୋଇଥିଲା। ଏପରିକି ଏହାର ତଦନ୍ତ କରି ରିପୋର୍ଟ ପ୍ରଦାନ କରିବାକୁ ଉପଜିଲାପାଳ କୋରାପୁଟ ଶ୍ରୀ ବେଣୁଧର ଶବର ଶିଶୁ ବିକାଶ ପ୍ରକଳ୍ପ ଅଧିକାରୀଙ୍କୁ ନିର୍ଦ୍ଦେଶ ଦେଇଥିଲେ।
ତେବେ ଖବର ପ୍ରକାଶିତ ହେବାର ପ୍ରାୟ ପନ୍ଦର ଦିନ ପରେ କେନ୍ଦୁୱାଡା ଅଙ୍ଗନବାଡ଼ି କେନ୍ଦ୍ର କର୍ମୀ ସୁଶାନ୍ତି ମିଶ୍ର ଥାନାରେ ମିଥ୍ୟା ଏତଲା ଦେଇଛନ୍ତି। ଯାହାକୁ ନେଇ ଲକ୍ଷ୍ମୀପୁର ଥାନାରେ ଏକ ମାମଲା ରୁଜୁ ହୋଇଥିଲା ବେଳେ ସମ୍ବାଦିକମାନେ ମଧ୍ୟ ପାଲଟା ଏତଲା ଦେଇଛନ୍ତି। ତେବେ କେଉଁ ଦଫାରେ ସମ୍ବାଦିକଙ୍କ ନାମରେ ମାମଲା ରୁଜୁ ହୋଇଛି ତାହା ଜଣାପଡିନାହିଁ। ଏହାକୁ ନେଇ ସାମ୍ବାଦିକ ସଂଘ ପକ୍ଷରୁ ଦୃଢ଼ ନିନ୍ଦା କରାଯିବା ସହିତ ସତ୍ୟ ଖବର ପ୍ରକାଶର ୧୫ ଦିନ ପରେ କିପରି ମିଥ୍ୟା ଅଭିଯୋଗ ସହିତ ମାମଲା ରୁଜୁ ହେଉଛି ତାହାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି। ପୁଲିସ ଏହାର ଠିକ ତଦନ୍ତ କରିବା ପାଇଁ ଦାବି ହୋଇଛି।
Comments are closed.