ପାରାଦୀପ: ପାରାଦୀପରେ ଆଉ ଏକ ଜାହାଜକୁ ଆରେଷ୍ଟ କରିବାକୁ ହାଇକୋର୍ଟଙ୍କ ନିର୍ଦେଶ। ଏଥିପାଇଁ କୁଜଙ୍ଗ ସବ ଜଜ୍ ଙ୍କୁ ମାର୍ସାଲ ରୂପେ ନିଯୁକ୍ତ କରାଯାଇଛି। ହାଇକୋର୍ଟଙ୍କ ଆଦେଶ ନମିଳିବା ପର୍ଯ୍ୟନ୍ତ ଜାହାଜ ପାରାଦୀପ ଛାଡି କେଉଁଆଡେ ମଧ୍ୟ ଯାଇପାରିବନାହିଁ। ଏମଭି ଓ୍ବାଡି ଆଲବୋଷ୍ଟନ ନାମକ ଇଜିପ୍ଟ ଫ୍ଲାଗସିପ ନାମକ ଏହି ଜାହାଜ ଗତ ୬ ତାରିଖରେ ପାରାଦୀପରେ ପହଞ୍ଚିଥିଲା। ସେବେଠାରୁ ପୋର୍ଟ ଜାଙ୍କରେଜରେ ଅଟକି ରହିଛି। ବାଂଲାଦେଶରୁ ଆସିଥିବା ଏହି ଜାହାଜ ପାରାଦୀପଠୁ ୫୫ ହଜାର ମେଟ୍ରିକ୍ ଟନ୍ ଲୁହାପଥର ନେଇ ଚୀନ୍ ଯାଇଥାନ୍ତା। ମାତ୍ର ଜର୍ମାନୀର ଏକ କମ୍ପାନୀ ଜାହାଜ ମାଲିକଙ୍କଠାରୁ ପ୍ରାୟ ୪ କୋଟି ଟଙ୍କା ପାଇବାକୁ ଥିବା ଦାବି କରି ଓଡିଶା ହାଇକୋର୍ଟଙ୍କ ଦ୍ଵାରସ୍ଥ ହୋଇଛି। ଲୋ ସଲଫର୍ ମେରାଇନ୍ ଗ୍ୟାସ୍ ଅଏଲ୍ ପରିବହନକୁ ନେଇ ଆବେଦନକାରୀ କମ୍ପାନୀ ଏବଂ ଜାହାଜ ମଧ୍ୟରେ ବିବାଦ ଉପୁଜିବା ପରେ ଏଭଳି ପରିସ୍ଥିତି ସୃଷ୍ଟି ହୋଇଛି। ୧୫ ଦିନ ତଳେ ଚୀନର ଏକ ଜାହାଜକୁ ପାରାଦୀପରେ ଗିରଫ କରାଯାଇଥିଲା।
Popular Categories
Previous article
Next article