ଷଣ୍ଢ ଆକ୍ରମଣରେ ଜଣେ ମୃତ

ଭବାନୀପାଟଣା: ସ୍ଥାନୀୟ ବାହାଦୁରବଗିଚା ପଡାରେ ଷଣ୍ଢ ଆକ୍ରମଣରେ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଛି। ମୃତକ ସେହି ପଡ଼ାର ଗଙ୍ଗାଧର ରାଉତ (୬୨) ବୋଲି ଜଣାପଡିଛି। କିଛିଦିନ ତଳେ ଆର୍ଟିଓ ଅଫିସ ଛକରେ ଷଣ୍ଢ ଆକ୍ରମଣରେ ଜଣେ ବ୍ୟକ୍ତି ଗୁରୁତର ଆହତ ହେଇ ଜିଲ୍ଲା ମୁଖ୍ୟ ଡାକ୍ତରଖାନାରେ ଚିକିତ୍ସାଧୀନ ଅଛନ୍ତି। ସହରବାସୀଙ୍କୁ ଷଣ୍ଢଙ୍କ ଦୌରାତ୍ମ୍ୟରୁ ରକ୍ଷାକରିବା ସହିତ ମୃତକଙ୍କ ପରିବାରକୁ ଆର୍ଥିକ ସହାୟତା ଦିଆଯିବାକୁ ସାଧାରଣରେ ଦାବି ହେଉଛି।