କଲ୍ୟାଣସିଂହପୁର: ରାୟଗଡା ଜିଲା କଲ୍ୟାଣସିଂହପୁର ବ୍ଲକ ସୁନାଖଣ୍ଡି ପଞ୍ଚାୟତ ଜଗନ୍ନାଥପୁର ଗ୍ରାମର ପାହାଡ ଉପରେ ଥିବା ହନୁମାନ ମନ୍ଦିରରେ ଆଜି ରାମ ଧ୍ୱନୀରେ ଗୁଞ୍ଜରିତ ହୋଇଛି । ଏଠାରେ ଶହ ଶହ ସଂଖ୍ୟାରେ ଶ୍ରଦ୍ଧାଳୁଙ୍କ ଭିଡ ଲାଗିରହିଥିବା ଦେଖିବାକୁ ମିଳିଥିବା ବେଳେ ଆଡମ୍ବର ସହକାରେ ଶ୍ରୀରାମ ନବମୀ ପାଳନ କରାଯାଇଛି। ଏହାସହିତ ବ୍ଲକର ପ୍ରତ୍ୟେକ ଶ୍ରୀରାମ ଓ ହନୁମାନ ମନ୍ଦିରରେ ଶ୍ରଦ୍ଧାଳୁଙ୍କ ଭିଡ ଲାଗିରହିଥିବା ଜଣାପଡ଼ିଛି।
ପ୍ରଭୁ ଶ୍ରୀରାମଚନ୍ଦ୍ର ଜଣେ ପିତୃଭକ୍ତ, ଭାତୃବତ୍ସଳ, ପରାକ୍ରମୀ, ଦିବ୍ୟରୂପକାନ୍ତି ସମ୍ପନ୍ନ ପୁରୁଷଥିଲେ। ଶ୍ରୀରାମ ନବମୀ ହିନ୍ଦୁମାନଙ୍କର ଏକ ପବିତ୍ର ପର୍ବ। ମର୍ଯ୍ୟାଦା ପୁରୁଷୋତ୍ତମ ରାମଚନ୍ଦ୍ର ତ୍ରେତୟା ଯୁଗରେ ଚୈତ୍ର ମାସ ଶୁକ୍ଳ ପକ୍ଷ ନବମୀ ତିଥିରେ ଜନ୍ମଗ୍ରହଣ କରିଥିଲେ। ତାଙ୍କ ଜନ୍ମତିଥିକୁ ସମଗ୍ର ଭାରତବର୍ଷରେ ‘ଶ୍ରୀରାମ ନବମୀ’ ଭାବେ ଆଦର ଓ ଭକ୍ତିରେ ପାଳନ କରାଯାଏ। ଭକ୍ତମାନେ ଉପବାସ କରି ମନ୍ଦିର ଯାଇ ପୂଜାର୍ଚ୍ଚନା କରନ୍ତି।
ଏହି ତିଥିରେ ହିନ୍ଦୁମାନେ ବ୍ରତ ବି ପାଳନ୍ତି।ଆଜି ରାୟଗଡା ଜିଲାର ପ୍ରତ୍ୟେକ ବ୍ଲକ ଅବା ଗାଁ ସହରରେ ପବିତ୍ର ଶ୍ରୀରାମ ନବମୀ ଆନନ୍ଦରେ ବିଭୋର ପାଳନ କରାଯାଇଛି ।ଏହି ଅବସରରେ କଲ୍ୟାଣସିଂହପୁର ସଦରର ଭକ୍ତମାନେ ବାଇକରେ ଶ୍ରୀରାମଙ୍କ ପତାକା ଲଗାଇ ଗ୍ରାମରେ ପରିକ୍ରମା କରିଥିବା ଦେଖିବାକୁ ମିଳିଛି । ସଦର ଶ୍ରୀ ରାମ ମନ୍ଦିରରେ ପୂଜାକଙ୍କ ଦ୍ୱାରା ରୀତିନୀତି ଅନୁଯାୟୀ ପୂଜାର୍ଚ୍ଚନା କରାଯାଇଛି।ସନ୍ଧ୍ୟାରେ ସାଇ ମନ୍ଦିରରେ ଭଜନ ସମାରୋହ ଅନୁଷ୍ଠିତ ହୋଇଯାଇଛି ।
Comments are closed.