ଆଠଗଡ: ଆଠଗଡ ସହରରେ ଦୀର୍ଘ ବର୍ଷ ହେବ ବନ୍ଦ ପଡିଥିବା ଏକ କାରଖାନାର କାନ୍ଥ ପଡି ଜଣେ ବ୍ୟକ୍ତି ମୃତ୍ୟୁ ବରଣ କରିଥିବା ଜଣାପଡିଛି। ଶିଳ୍ପ ବିଭାଗ ଅଧିନରେ ଥିବା ସମବାୟ ବିଭାଗ ପରିଚାଳନାରେ ଚାଲିଥିବା ଆଠଗଡ ସମବାୟ କାଷ୍ଠ ଶିଳ୍ପ ବିଗତ ୪୦ ବର୍ଷ ଧରି ବନ୍ଦ ହୋଇ ଅର୍ଦ୍ଧଭଗ୍ନ ଅବସ୍ଥାରେ ଭୂତ କୋଠି ପାଲଟି ଯାଇଛି । ଉପରସାହିର ଘରୋଇ ଆୟୁର୍ବେଦ ଚିକିତ୍ସା କରୁଥିବା ପ୍ରତାପ କୁମାର ଦାସ ନାମକ ଜଣେ ବ୍ୟକ୍ତି ରବିବାର ସକାଳେ ସେଠାକୁ ଚେରମୂଳ ସଂଗ୍ରହ କରିବାକୁ ଯାଇଥିଲେ । ସେହି ସମୟରେ ଏକ ଦୁର୍ବଳ ତଥା ଅର୍ଦ୍ଧଭଗ୍ନ କାନ୍ଥ ତାଙ୍କ ଉପରେ ଭୁଷୁଡ଼ି ପଡିଥିଲା। ସ୍ଥାନୀୟ ଲୋକ ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ଆଠଗଡ ଡାକ୍ତରଖାନାକୁ ନେଇଥିଲେ । ଅବସ୍ଥା ଗୁରୁତର ଥିବାରୁ ତାଙ୍କୁ ଡାକ୍ତରଙ୍କ ପରାମର୍ଶ କ୍ରମେ କଟକ ସ୍ଥାନାନ୍ତର କରାଯାଇଥିଲା । ତେବେ ସେଠାରେ ଡାକ୍ତର ପରୀକ୍ଷା କରି ତାଙ୍କୁ ମୃତ ଘୋଷଣା କରିଥିଲେ।
Comments are closed.