ରେଙ୍ଗାଲିକ୍ୟାମ୍ପ: ଆଜି ଅତାବିରା ବ୍ଲକ ଅନ୍ତର୍ଗତ ଲରଂଭା ନିକଟସ୍ଥ ନୁଆଁପରା ଛକରେ ବାଇକ୍ ଦୁର୍ଘଟଣାରେ ଦୁଇ ଜଣଙ୍କର ଜୀବନ ଯାଇଛି। ଗୋଡ଼ଭଗାରୁ ତୁରୁମ୍ ଆଡ଼କୁ ଯାଇଥିବା ୫୪ ନଂ ରାଜ୍ୟ ରାଜପଥରେ ଥିବା ଲରଂଭା ଛକରୁ କିଛି ଦୂରରେ ନୂଆଁପରା ଛକ ନିକଟରେ ପପଙ୍ଗା ଅଭିମୁଖେ ଯାଉଥିବା ଏକ ବାଇକ୍ ଓ ଗୋଡ଼ଭଗା ଅଭିମୁଖେ ଆସୁଥିବା ବାଇକ୍ ମଝିରେ ହଠାତ୍ ଏକ ଅଟୋ ପଶି ଆସିଥିଲା। ଅଟୋଟି ଚାଲିଯିବା ପରେ ଭାରସାମ୍ୟ ହରାଇ ଉଭୟ ବାଇକ୍ ମଧ୍ୟରେ ମୁହାଁମୁହିଁ ଧକ୍କା ହୋଇଥିଲା। ଫଳରେ ଘଟଣାସ୍ଥଳରେ ୨ ଜଣଙ୍କର ମୃତ୍ୟୁ ଘଟିଥିଲା। ଏହି ଦୁର୍ଘଟଣାରେ ଦୁଇ ଜଣ ଗୁରୁତର ଆହତ ହୋଇଥିଲେ। ମୃତ ବ୍ୟକ୍ତିମାନେ ହେଲେ ଭେଡେନ ଥାନା ଅନ୍ତର୍ଗତ ବାଞ୍ଜି ପାଲି ମହେଶ ଷଣ୍ଢ (୨୨) ଓ କନ୍ଧପଡ଼ାର ସନିଦେଓଲ ମାଝୀ(୨୫) ବୋଲି ସୂଚନା ମିଳିଛି ।
ଏହି ଦୁର୍ଘଟଣା ଖବର ପାଇ ଅତାବିରା ଥାନା ଅଧୀନରେ ଥିବା ଗୋଡ଼ଭଗା ଫାଣ୍ଡି ଅଧିକାରୀ ଘଟଣାସ୍ଥଳକୁ ପହଞ୍ଚି ମୃତଦେହକୁ ଜବତ କରି ବୁର୍ଲା ଡାକ୍ତରଖାନାକୁ ବ୍ୟବଚ୍ଛେଦ ପାଇଁ ପଠାଇଥିଲେ। ସେହିପରି ଦୁର୍ଘଟଣାରେ ଗୁରୁତର ଆହତମାନଙ୍କୁ ଚିକିତ୍ସା ପାଇଁ ବୁର୍ଲା ପଠାଇଥିଲେ । ଦୁଇ ଗୁରୁତର ମାନଙ୍କ ମଧ୍ୟରୁ ଜଣେ ଅତାବିରା ଥାନା ଅନ୍ତର୍ଗତ ଲଚିଦା ଗ୍ରାମର ସତ୍ୟ ମାଝୀ ବୋଲି ଜଣା ପଡ଼ିଛି।ଅନ୍ୟ ଗୁରୁତର ବ୍ୟକ୍ତିଙ୍କ ପରିଚୟ ଏ ଯାଏଁ ଜଣାପଡି ନାହିଁ। ପୁଲିସ ସୂତ୍ରରୁ ମିଳି ଥିବା ଖବର ଅନୁସାରେ ଉଭୟ ବାଇକରେ ଦୁଇ ଜଣ ଲେଖାଏଁ ବସିଥିଲେ। ଏହି ଦୁର୍ଘଟଣାରେ ପ୍ରତି ବାଇକରୁ ଜଣେ ଲେଖାଏଁ ମୃତ ହୋଇଛନ୍ତି । ଘଟଣାର ତଦନ୍ତ ଜାରି ରହିଛି।
Comments are closed.