ପ୍ରଭୁ ଶ୍ରୀରାମଙ୍କ ଆଳତି କଲେ ମୁସଲମାନ ମହିଳା, ରାମନବମୀରେ ବାଣ୍ଟିଲେ ଏକତା ଓ ଭାଇଚାରାର ବାର୍ତ୍ତା

ସମାଜ ଡିଜିଟାଲ ଡେସ୍କ: ଉତ୍ତରପ୍ରଦେଶର ବାରାଣସୀରୁ ଏକ ସୁନ୍ଦର ଏବଂ ପ୍ରେରଣାଦାୟକ ଦୃଶ୍ୟ ସାମ୍ନାକୁ ଆସିଛି। ଏଠାରେ ଶ୍ରୀରାମନବମୀ ଅବସରରେ ମୁସଲମାନ ମହିଳାମାନେ ପ୍ରଭୁ ଶ୍ରୀରାମଙ୍କ ଆଳତି କରି ସାମ୍ପ୍ରଦାୟିକ ଏକତା ଏବଂ ଭାଇଚାରାର ବାର୍ତ୍ତା ବାଣ୍ଟିଛନ୍ତି। ମୁସଲମାନ ମହିଳାମାନେ ସୁସଜ୍ଜିତ ପୂଜା ଥାଳି ଧରି ପ୍ରଭୁଙ୍କ ଆଳତି କରିବା ସହିତ ଉର୍ଦ୍ଦୁ ଭାଷାରେ ଲିଖିତ ରାମ ଆଳତି ଗାନ କରିଥିଲେ। ଲହମୀସ୍ଥିତ ସୁଭାଷ ଭବନରେ ଏ ନେଇ ସ୍ବତନ୍ତ୍ର କାର୍ଯ୍ୟକ୍ରମ କରାଯାଇଥିଲା।

ମୁସଲମାନ ମହିଳା ଫାଉଣ୍ଡେସନ ଏବଂ ବିଶାଳ ଭାରତ ସଂସ୍ଥାନର ମିଳିତ ତତ୍ତ୍ଵାବଧାନରେ ଏହି କାର୍ଯ୍ୟକ୍ରମ ହୋଇଥିଲା। ସାମ୍ପ୍ରଦାୟିକ ଘୃଣାଭାବ ସୃଷ୍ଟି କରି ହିନ୍ଦୁ-ମୁସଲମାନଙ୍କ ମଧ୍ୟରେ ଅଶାନ୍ତି ସୃଷ୍ଟି କରାଯାଉଛି। ଦେଶକୁ ଭାଙ୍ଗିବା ଲାଗି ଅନେକ ନ୍ୟସ୍ତସ୍ବାର୍ଥ ଗୋଷ୍ଠୀ ବିଭ୍ରାନ୍ତିକର ମନ୍ତବ୍ୟ ଦେଉଛନ୍ତି। ଏପରିସ୍ତିତିରେ କାଶୀରେ ମୁସଲମାନ ମହିଳାଙ୍କ ପ୍ରୟାସ ପ୍ରଶଂସନୀୟ ବୋଲି ସାଧାରଣରେ ମତପ୍ରକାଶ ପାଇଛି।