ସମାଜ ଡିଜିଟାଲ ଡେସ୍କ: ହସି ହସି ମଞ୍ଚରେ ଦେଉଥିଲେ ଭାଷଣ। ନିକ ବକ୍ତବ୍ୟରେ ସାଙ୍ଗସାଥୀ, ଅଭିଭାବକ ଏବଂ ଅତିଥିଙ୍କ ମନରେ ବି ଭରିଦେଇଥିଲେ ହସ। ହେଲେ ସେହି କ୍ଷଣରେ ଟଳିପଡ଼ିଲେ ଛାତ୍ରୀ। ମାତ୍ର ୨୦ ବର୍ଷ ବୟସରେ ଲିଭିଗଲା ଜୀବନ ଦୀପ। ହୃଦଘାତରେ ଚାଲିଗଲା ଜୀବନ। ଏଭଳି ଏକ ଦୁଃଖଦ ଏବଂ ହୃଦୟ ବିଦାରକ ଘଟଣା ସାମ୍ନାକୁ ଆସିଛି ମହାରାଷ୍ଟ୍ରର ଧାରାଶିବ ଜିଲାରୁ। କ୍ୟାମେରାରେ ରେକର୍ଡ ହୋଇଥିବା ଏହି ଦୃଶ୍ୟ ଏବେ ସାମାଜିକ ଗଣମାଧ୍ୟମରେ ପ୍ରଘଟ ହେଉଛି, ଯାହା ସମସ୍ତଙ୍କ ଅତ୍ୟନ୍ତ ବ୍ୟଥିତ କରିଛି।
ସୂଚନା ଅନୁସାରେ, ଏହି ଘଟଣା ଧାରାଶିବ ଜିଲା ସିନ୍ଦେ କଲେଜରେ ଘଟିଛି। ଭିଡିଓରେ ଦେଖିବାକୁ ମିଳିଛି ଯେ,ତ ୨୦ ବର୍ଷୀୟା ଛାତ୍ରୀ ବର୍ଷା ଖରାତ ଦୃଢ଼ ଆତ୍ମବିଶ୍ଵାସ ଏବଂ ହସଭରା ମୁହଁରେ ବିଦାୟୀ ଉତ୍ସବର ପ୍ରାରମ୍ଭିକ ଭାଷଣ ଦେଉଛନ୍ତି। ସେ ହସି ହସି ନିଜ ସାଙ୍ଗସାଥୀ ଏବଂ ଶିକ୍ଷକମାନଙ୍କୁ ସମ୍ବୋଧିତ କରୁଛନ୍ତି। ହେଲେ ପରବର୍ତ୍ତୀ କ୍ଷଣରେ ସେ ହଠାତ ତଳେ ପଡ଼ିଯାଉଛନ୍ତି। ସେଠାରେ ଉପସ୍ଥିତ ଲୋକେ ହଠାତ କିଛି ବୁଝିପାରୁ ନାହାନ୍ତି। ତୁରନ୍ତ ସେମାନେ ବର୍ଷାଙ୍କ ନିକଟକୁ ଯାଇ ତାଙ୍କୁ ଉଠାଇବାକୁ ଚେଷ୍ଟା କରୁଛନ୍ତି। କିନ୍ତୁ ସେ ଆଉ ଉଠୁନାହାନ୍ତି। ତୁରନ୍ତ ତାଙ୍କୁ ପରଣ୍ଡାସ୍ଥିତ ଡାକ୍ତରଖାନା ନିଆଯାଇଥିଲା। ସେଠାରେ ଡାକ୍ତର ବର୍ଷାଙ୍କୁ ମୃତ ଘୋଷଣା କରିଥିଲେ। ଭାଷଣ ଦେବା ସମୟରେ ହୃଦଘାତ ଯୋଗୁ ଏପରି ଘଟିଥିବା ଡାକ୍ତର କହିଛନ୍ତି।
स्टेज पर स्माइल के साथ बोलती रही वर्षा… अगले ही पल ज़िंदगी ने हमेशा के लिए ख़ामोश कर दिया
महाराष्ट्र के धाराशिव जिले में कॉलेज का फेयरवेल… स्टेज पर 20 साल की वर्षा खरात. चेहरे पर मुस्कान, वर्षा लड़खड़ाई, मंच से गिरी, हार्ट अटैक से हो गई मौत. #FarewellToVarsha pic.twitter.com/dTdfUkvtyd
— Atul Kushwah (@atulkannaujvi) April 6, 2025
Comments are closed.