ଭୁବନେଶ୍ୱର: ବିଧାନସଭା ପ୍ରଶ୍ନକାଳ ସୁରୁଖୁରୁରେ ଚାଲିବା ପରେ ଶୂନ୍ୟକାଳରେ ସରକାରଙ୍କୁ ଘେରିଛନ୍ତି ବିରୋଧୀ । ଦିଲ୍ଲୀରେ ଅନୁଷ୍ଠିତ ହୋଇଯାଇଥିବା ନୀତି ଆୟୋଗ ବୈଠକରେ ମୁଖ୍ୟମନ୍ତ୍ରୀ ରାଜ୍ୟ ପାଇଁ କଣ ସବୁ ଦାବି କରିଛନ୍ତି ଗୃହରେ ଉତ୍ତର ରଖନ୍ତୁ ବୋଲି ପ୍ରଶ୍ନ କରିଛନ୍ତି ବିଜେଡି ବିଧାୟକ ଅରୁଣ ସାହୁ । ଓଡ଼ିଶା ଯୋଗୁଁ କେନ୍ଦ୍ରରରେ ସରକାର ହୋଇଛି । ନୀତି ଆୟୋଗ ବୈଠକରେ ସ୍ୱତନ୍ତ୍ର ରାଜ୍ୟ ପାହ୍ୟା ଦାବି ପ୍ରସଙ୍ଗ ମୁଖ୍ୟମନ୍ତ୍ରୀ ଉଠାଇଛନ୍ତି କି? ବୈଠକରେ ଓଡ଼ିଶା ପାଇଁ କଣ କଣ ଦାବି କରିଛନ୍ତି ମୁଖ୍ୟମନ୍ତ୍ରୀ ତାହାକୁ ଗୃହରେ ଜଣାଇବାକୁ ପ୍ରଶ୍ନ କରିଛନ୍ତି ଅରୁଣ ସାହୁ । ସେପଟେ କଂଗ୍ରେସ ବିଧାୟକ ଦଳ ନେତା ରାମଚନ୍ଦ୍ର କାଡାମ ସମାନ ପ୍ରସଙ୍ଗ ଉଠାଇ କହିଛନ୍ତି ଯେ ନୀତି ଆୟୋଗ ବୈଠକର ଅଧ୍ୟକ୍ଷ ହେଉଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ବୈଠକରେ ଓଡ଼ିଶା ପାଇଁ କଣ ସୁଯୋଗ ସୃଷ୍ଟି କଲେ ମୁଖ୍ୟମନ୍ତ୍ରୀ, ରାଜ୍ୟ ପାଇଁ କେତେ ପ୍ୟାକେଜ ଦାବି କରିଛନ୍ତି ତା’ର ଉତ୍ତର ଗୃହରେ ରଖନ୍ତୁ । ସ୍ୱତନ୍ତ୍ର ରାଜ୍ୟ ପାହ୍ୟା ନେଇ ଦାବି ରଖିଛନ୍ତି କି ନାହିଁ ବୋଲି ମଧ୍ୟ ଉତ୍ତର ଦିଅନ୍ତୁ ମୁଖ୍ୟମନ୍ତ୍ରୀ । ୨୦୧୪ ନିର୍ବାଚନୀ ଇସ୍ତାହାରରେ କହିଥିଲେ ଓଡ଼ିଶାରେ ଯଦି ଆମ ସରକାର ଆସେ ତେବେ ସ୍ୱତନ୍ତ୍ର ରାଜ୍ୟ ପାହ୍ୟା ଷ୍ଟାଟସ ଦେବେ ବୋଲି କହିଥିଲେ । ପୋଲାଭରମ ପ୍ରକଳ୍ପ ନେଇ ଆନ୍ଧ୍ର ଓ ବିହାର ରାଜ୍ୟର ମୁଖ୍ୟମନ୍ତ୍ରୀ କେନ୍ଦ୍ର ଉପରେ ଚାପ ପକାଉଛନ୍ତି । ଏହି ପ୍ରକଳ୍ପ ଯେତିକି ଉଚ୍ଚତା ଥିଲା ତାଠୁ ଅଧିକ କରିଛନ୍ତି । ସେ ସମ୍ପର୍କରେ ଓଡ଼ିଶାର ମୁଖ୍ୟମନ୍ତ୍ରୀ କଣ ଆଲୋଚନା କଲେ ଜଣାଇବାକୁ ଦାବି କରିଛନ୍ତି ।
Popular Categories
Previous article
Next article