ଶ୍ରୀମନ୍ଦିର ସେବାୟତଙ୍କୁ କାରଣ ଦର୍ଶାଅ ନୋଟିସ୍: ୭ଦିନରେ ଉତ୍ତର ରଖ, ନଚେତ ହେବ କାର୍ଯ୍ୟାନୁଷ୍ଠାନ
ସମାଜ ଡିଜିଟାଲ ଡେସ୍କ: ବାହୁଡା ଯାତ୍ରାରେ ଦେବୀ ସୁଭଦ୍ରାଙ୍କ ରଥରେ ଅଣସେବାୟତ ଚଢିବା ମାମଲାରେ ଶ୍ରୀମନ୍ଦିର ସେବାୟତଙ୍କୁ କାରଣ ଦର୍ଶାଅ ନୋଟିସ୍ ଜାରି କରିଛି ଶ୍ରୀମନ୍ଦିର ପ୍ରଶାସନ । ୭ଦିନରେ ସନ୍ତୋଷଜନକ ଉତ୍ତର ରଖିବାକୁ ନିର୍ଦ୍ଦେଶ ଦିଆଯାଇଛି । ସାତ ଦିନରେ ଉତ୍ତର ନରଖିଲେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କୁହାଯାଇଛି । ଏହାସହ ମାମଲାର ଚୂଡାନ୍ତ ନିଷ୍ପତ୍ତି ନହେବା ଯାଏଁ ସମ୍ପୃକ୍ତ ସେବକଙ୍କ ପାଉଣା ସ୍ଥଗିତ ରଖିବାକୁ ଦଇତାପତି ନିଯୋଗ ସମ୍ପାଦକଙ୍କୁ ଅବଗତ କରାଇଛି ପ୍ରଶାସନ । ବାହୁଡା ଯାତ୍ରା ଦିନ ରଥରେ ଅଣସେବାୟତ ଚଢିଥିବା ନେଇ ମୁଖ୍ୟ ପ୍ରଶାସକ ଜାଣିବା ପରେ ନିଜେ ଯାଇ ତାଙ୍କୁ ରଥରୁ ଓହ୍ଲାଇଥିଲେ । ଏହାସହିତ ତାଙ୍କ ଠାରୁ ପାସ୍ ମଧ୍ୟ ଜବତ କରିଥିଲେ ।
Comments are closed.