ନୂଆଦିଲ୍ଲୀ : ଗୁଜରାଟରେ ଏଭଳି ଏକ ଘଟଣା ସାମ୍ନାକୁ ଆସିଛି,ଯାହା ଦେଖି ଆପଣ ମଧ୍ୟ ଆଶ୍ଚର୍ଯ୍ୟ ଚକିତ ହୋଇଯିବେ । ବେରୋଜଗାର ଯୁବକଙ୍କ ଏଭଳି ଏକ ସୁଅ ଦେଖିବାକୁ ମିଳିଛି,ଯାହା ଏବେ ସୋସିଆଲ ମିଡିଆରେ ବେଶ ଭାଇରାଲ୍ ହେଉଛି । ଭରୁଚରେ ହେଉଥିବା ଏକ ୱାକ୍-ଇନ୍-ଇଣ୍ଟରଭ୍ୟୁ ଦେବା ପାଇଁ ଯୁବକମାନେ ପହଞ୍ଚିଥିଲେ। ମାତ୍ର ସେଠାକାର ଯେଉଁ ଦୃଶ୍ୟ ସୋସିଆଲ ମିଡିଆରେ ଭାଇରାଲ୍ ହେଉଛି, ତାହା ଆଶ୍ଚର୍ଯ୍ୟ କରିବ।
गुजरात में अंकलेश्वर की होटल के बहार ईन्टरव्यू देने के लीए बेरोजगार आए हुए थे.
देखिए गुजरात की बेरोजगारी pic.twitter.com/uaCZHENWTS
— Samir Vibes of India (@VoiSamir) July 11, 2024
ମିଳିଥିବା ସୂଚନାନୁଯାୟୀ, ଏକ କମ୍ପାନୀ ଜିଲାର ଅଙ୍କଲେଶ୍ୱରରେ ଏକ ପ୍ରସିଦ୍ଧ ହୋଟେଲରେ କିଛି ଯୁବକଙ୍କୁ ଇଣ୍ଟରଭ୍ୟୁ ପାଇଁ ଡାକିଥିଲେ । ମାତ୍ର ସେଠାରେ ଅନେକ ସଂଖ୍ୟାରେ ଯୁବକମାନେ ପହଞ୍ଚିଥିଲେ । ଫଳରେ ହୋଟେଲ ବାହାରେ ଯୁବଗୋଷ୍ଠୀଙ୍କ ଭିଡ ଦେଖାଯାଇଥିଲା । ଚାକିରି ପାଇଁ ଆଶାବାଦୀମାନଙ୍କ ମଧ୍ୟରେ ଏକ ପ୍ରକାର ଦୌଡାଦୌଡି ସ୍ଥିତି ସୃଷ୍ଟି ହୋଇଥିଲା । ଭିଡ କାରଣରୁ ସେଠାରେ ଏକ ରେଲିଙ୍ଗ୍ ମଧ୍ୟ ଭାଙ୍ଗି ଯାଇଥିଲା । ଅନେକ ପଡି ଯାଇ ଆହତ ମଧ୍ୟ ହୋଇଥିବା ଜଣାପଡିଛି । ଗୁଜରାଟର ଏହି ଦୃଶ୍ୟ ଏବେ ସୋସିଆଲ ମିଡିଆରେ ଦ୍ରୁତି ଗତିରେ ଭାଇରାଲ୍ ହେଉଛି ।
ଭିଡିଓରେ ଦେଖିପାରିବେ, ଯୁବକମାନଙ୍କ ଭିଡ ଫାଟକ ମାଧ୍ୟମରେ ହୋଟେଲ ଭିତରକୁ ଯିବାକୁ ଚେଷ୍ଟା କରୁଛନ୍ତି । ଫାଟକ ସାମ୍ନାରେ ଏକ ରେଲିଙ୍ଗ୍ ରହିଛି । ଯାହା ଭିଡ ପାଇଁ ନଇଁ ପଡିଛି । ଭିଡ ପାଇଁ କିଛି ଯୁବକ ତଳକୁ ଖସି ପଡିଛନ୍ତି । ଭିଡିଓକୁ ଦେଖି ଲୋକେ ନିଜର ଭିନ୍ନ ଭିନ୍ନ ମତ ଦେଇଛନ୍ତି ।
