ଡେସ୍କ: ନେପାଳ ପ୍ରଧାନମନ୍ତ୍ରୀ ପୁଷ୍ପ କମଲ ଦହଲ ଶୁକ୍ରବାର ସଂସଦୀୟ ଆସ୍ଥା ଭୋଟରେ ପରାଜିତ ହେବା ପରେ ୨୦ ମାସର ଅସ୍ଥିର କାର୍ଯ୍ୟକାଳର ଅନ୍ତ ଘଟିଛି। ୬୯ ବର୍ଷୀୟ ଦହଲଙ୍କ ସର୍ବବୃହତ ସହଯୋଗୀ ଲିବରାଲ କମ୍ୟୁନିଷ୍ଟ ୟୁନିଫାଏଡ୍ ମାର୍କ୍ସଶିଷ୍ଟ ଲେନିନିଷ୍ଟ ଦଳ ଗତ ସପ୍ତାହରେ ତାଙ୍କ ସରକାରରୁ ସମର୍ଥନ ପ୍ରତ୍ୟାହାର କରିବା ପରେ ତାଙ୍କ ପାଖରେ ଦୁଇଟି ବିକଳ୍ପ ଥିଲା। ସେ ଇସ୍ତଫା ଦେବାକୁ ଅରାଜି ହେବା ପରେ ଆଜି ସଂସଦରେ ସଂଖ୍ୟାଗରିଷ୍ଠତା ପ୍ରମାଣ କରିବାକୁ ବାଧ୍ୟ ହୋଇଥିଲେ।
କ୍ଷମତା ବଜାୟ ରଖିବା ପାଇଁ ୨୭୫ ସଦସ୍ୟ ବିଶିଷ୍ଟ ବିଧାନସଭାରେ ତାଙ୍କ ସପକ୍ଷରେ ଅତି କମରେ ୧୩୮ଟି ଭୋଟ୍ ଆବଶ୍ୟକ ଥିଲା। ସଂସଦରେ ଉପସ୍ଥିତ ଥିବା ୨୫୮ ଜଣ ସାଂସଦଙ୍କ ମଧ୍ୟରୁ ୬୩ ଜଣ ଦହଲଙ୍କୁ ଭୋଟ୍ ଦେଇଥିବା ବେଳେ ୧୯୪ ଜଣ ତାଙ୍କ ବିପକ୍ଷରେ ଭୋଟ୍ ଦେଇଥିଲେ ଓ ଜଣେ ଭୋଟ୍ ଦେଇନଥିଲେ। ଭୋଟ୍ ଗଣତି ପରେ ବାଚସ୍ପତି ଦେବ ରାଜ ଘିମିରେ କହିଛନ୍ତି, ପ୍ରଧାନମନ୍ତ୍ରୀ ପୁଷ୍ପ କମଲ ଦହଲ ଆସ୍ଥା ଭୋଟରେ ପରାସ୍ତ ହୋଇଛନ୍ତି।
Comments are closed.