ଡେସ୍କ: ଜାତୀୟ ତଦନ୍ତକାରୀ ଏଜେନ୍ସି (ଏନଆଇଏ)ର ଆରକ୍ଷୀ ଅଧୀକ୍ଷକ ଧନରାମ ସିଂହଙ୍କୁ ପଶ୍ଚିମବଙ୍ଗରୁ ବଦଳି କରିବା ପାଇଁ ତୃଣମୂଳ କଂଗ୍ରେସ-ଟିଏମସି କରିଥିବା ଆବେଦନକୁ ଆଜି କୋଲକାତା ହାଇକୋର୍ଟ ଖାରଜ କରିଦେଇଛନ୍ତି। ୨୦୨୨ ଡିସେମ୍ବରରେ ପୂର୍ବ ମିଦନାପୁର ଜିଲ୍ଲାର ଭୂପତିନଗରରେ ହୋଇଥିବା ବିସ୍ଫୋରଣ ମାମଲାରେ ଶ୍ରୀ ସିଂହ ଗତ ମାସରେ ଦୁଇ ଜଣ ତୃଣମୂଳ କଂଗ୍ରେସ ନେତାଙ୍କୁ ଗିରଫ କରିଥିଲେ।
ଏହା ପୂର୍ବରୁ ତୃଣମୂଳ କଂଗ୍ରେସ ମଧ୍ୟ ଶ୍ରୀ ସିଂହଙ୍କ ବଦଳି ପାଇଁ ନିର୍ବାଚନ କମିଶନଙ୍କ ନିକଟରେ ଆବେଦନ କରିଥିଲା। ଟିଏମସି ଅଭିଯୋଗ କରିଛି ଯେ ଏନଆଇଏ ଏସପି ତୃଣମୂଳ କଂଗ୍ରେସ ନେତାଙ୍କୁ ଗିରଫ କରିବାର ଗୋଟିଏ ଦିନ ପୂର୍ବରୁ ବିଜେପି ନେତା ଜିତେନ୍ଦ୍ର ତିୱାରୀଙ୍କୁ ଭେଟିଥିଲେ। ଏହା ଏଜେନ୍ସିର ଆଭ୍ୟନ୍ତରୀଣ ମାମଲା ହୋଇଥିବାରୁ କେନ୍ଦ୍ରୀୟ ଏଜେନ୍ସିର ଅଧିକାରୀଙ୍କ ବଦଳିରେ ହସ୍ତକ୍ଷେପ କରିପାରିବେ ନାହିଁ ବୋଲି ହାଇକୋର୍ଟ କହିଛନ୍ତି।
Comments are closed.