ରସୁଲପୁର : ରସୁଲପୁର ବ୍ଲକ ଅଞ୍ଚଳର ଅନ୍ୟତମ ପ୍ରମୁଖ ବ୍ୟବସାୟ କେନ୍ଦ୍ରସ୍ଥଳ ହରିପୁର ବଜାରରେ ଥିବା ମହେଶ୍ୱର ପୁର ଗ୍ରାମର ରାଜେଶ କୁମାର ପାତ୍ରଙ୍କ ଏକ ପ୍ରତିଷ୍ଠିତ ପୋଷାକ ବିକ୍ରୟ ଦୋକାନ ମଦନ ଡ୍ରେସ ହାଉସରେ ମଙ୍ଗଳବାର ରାତି ପ୍ରାୟ ୯ଟା ୪୫ ମିନିଟରେ ବିଦ୍ୟୁତ ସଟ ସର୍କିଟରୁ ଅଗ୍ନିକାଣ୍ଡ ଘଟି ଲକ୍ଷାଧିକ ଟଙ୍କା ମୂଲ୍ୟର ବିଭିନ୍ନ ଦାମୀ ପୋଷାକ ପତ୍ର ପୋଡି ଯାଇଛି। ଖବର ପାଇ ରସୁଲପୁର ଓ ବରୁହା ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ନିଆଁ ଲିଭା କାର୍ଯ୍ୟରେ ନିୟୋଜିତ ହୋଇଥିଲେ। ସ୍ଥାନୀୟ ସରପଞ୍ଚ ପ୍ରଶାନ୍ତ କୁମାର ଦାସ, ଯୁବ ସଂଗଠକ ସ୍ମୃତି ଶେଖର ପଟ୍ଟନାୟକ ଓ ସ୍ଥାନୀୟ ବ୍ୟବସାୟୀ ନିଆଁ ଲିଭା କାର୍ୟ୍ୟରେ ସହାୟତା କରିଥିଲେ। କ୍ଷୟକ୍ଷତିର ପରିମାଣ ଜଣା ପଡ଼ିନାହିଁ।
ବିକ୍ରି ହେଉଛି ନକଲି ମସଲା ; ଏକଦମ୍ ସହଜ, ଏମିତି ଜାଣନ୍ତୁ ମସଲା ଅସଲି କି ନକଲି..
