ଡେସ୍କ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ କଂଗ୍ରେସ ନେତା ରାହୁଲ ଗାନ୍ଧି ଆଦର୍ଶ ଆଚରଣ ବିଧି ଉଲ୍ଲଂଘନ କରିଥିବା ଅଭିଯୋଗକୁ ନିର୍ବାଚନ ଆୟୋଗ ଗୁରୁତ୍ୱ ଦେଇଛନ୍ତି। ଧର୍ମ, ଜାତି, ସମ୍ପ୍ରଦାୟ ଓ ଭାଷା ଆଧାରରେ ପରସ୍ପରର ନେତାମାନେ ଘୃଣା ଓ ବିଭାଜନ ପ୍ରସାର କରୁଛନ୍ତି ବୋଲି ଉଭୟ ବିଜେପି ଓ କଂଗ୍ରେସ ଅଭିଯୋଗ କରିଛନ୍ତି। ନିର୍ବାଚନ କମିଶନ ବିଜେପି-କଂଗ୍ରେସକୁ ନୋଟିସ ଜାରି କରି ଏପ୍ରିଲ ୨୯ ତାରିଖ ପୂର୍ବାହ୍ନ ୧୧ଟା ସୁଦ୍ଧା ଜବାବ ମାଗିଛନ୍ତି।
ନିର୍ବାଚନ ଆୟୋଗ ଜନପ୍ରତିନିଧି ଆଇନର ଧାରା ୭୭ ପ୍ରୟୋଗ କରି ଦଳୀୟ ଅଧ୍ୟକ୍ଷମାନଙ୍କୁ ଦାୟୀ କରିଛନ୍ତି। ପ୍ରଧାନମନ୍ତ୍ରୀ ମୋଦି ଓ ରାହୁଲ ଗାନ୍ଧିଙ୍କ ବିରୋଧରେ ଆଦର୍ଶ ଆଚରଣ ବିଧି ଉଲ୍ଲଂଘନ ଅଭିଯୋଗ ଉପରେ ବିଜେପି ଅଧ୍ୟକ୍ଷ ଜେପି ନଡ୍ଡା ଏବଂ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡ଼ଗେଙ୍କୁ ଜବାବ ଦେବାକୁ କୁହାଯାଇଛି। ଏପ୍ରିଲ ୨୯ ସୁଦ୍ଧା ଜବାବ ଦେବା ସହ ଷ୍ଟାର ପ୍ରଚାରକମାନଙ୍କୁ ଆଚରଣ ବିଧି ପାଳନ କରିବାକୁ କୁହାଯାଇଛି।
ଆୟୋଗ କହିଛନ୍ତି ଯେ ରାଜନୈତିକ ଦଳମାନଙ୍କୁ ସେମାନଙ୍କ ପ୍ରାର୍ଥୀ, ବିଶେଷକରି ଷ୍ଟାର ପ୍ରଚାରକଙ୍କ ପରିଚାଳନା ପାଇଁ ପ୍ରାଥମିକ ଦାୟିତ୍ୱ ନେବାକୁ ପଡିବ। ନିର୍ବାଚନ ଆୟୋଗଙ୍କ ଅନୁଯାୟୀ, ଉଚ୍ଚ ପଦବୀରେ ଥିବା ଲୋକଙ୍କ ପ୍ରଚାର ଭାଷଣର ପରିଣାମ ଅଧିକ ଗମ୍ଭୀର ହୋଇଥାଏ। ଷ୍ଟାର ପ୍ରଚାରକମାନେ ଯେଉଁ ଭାଷଣ ଦେଉଛନ୍ତି, ସେଥିପାଇଁ ସେମାନଙ୍କୁ ଦାୟୀ କରିବାକୁ ପଡ଼ିବ ବୋଲି କୁହାଯାଇଛି। କିନ୍ତୁ ବିବାଦୀୟ ଭାଷଣ ଆସିଲେ ନିର୍ବାଚନ କମିଶନ ସବୁ ପ୍ରସଙ୍ଗରେ ଦଳୀୟ ମୁଖ୍ୟଙ୍କଠାରୁ ଜବାବ ମାଗିବେ।
ବିରଂଚି ହସ୍ପିଟାଲ ମାଲିକାଣୀ ବିଜେପି ପ୍ରାର୍ଥୀ ମାଧବୀ ଲତାଙ୍କ ସମ୍ପତ୍ତି ୨୨୧ କୋଟି
ବାଂଶୱାଡ଼ାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଇଥିବା ବୟାନକୁ ନେଇ କଂଗ୍ରେସ ଦଳ ଅଭିଯୋଗ କରିଥିଲା।
Comments are closed.