ନୂଆଦିଲ୍ଲୀ : ଲୋକମାନେ ଦେଶର ନମ୍ବର ଓ୍ବାନ୍ ସ୍କୁଟର ହୋଣ୍ଡା ଆକ୍ଟିଭାର ଇଲେକ୍ଟ୍ରିକ୍ ମଡେଲକୁ ଅପେକ୍ଷା କରିଛନ୍ତି । କିନ୍ତୁ ଅନ୍ୟପଟେ ବଡ ଯୋଜନା କରୁଛି ସୁଜୁକି । ସୁଜୁକି ନିଜ ଲୋକପ୍ରିୟ ସ୍କୁଟର ସୁଜୁକି ଆକ୍ସେସର ଇଲେକ୍ଟ୍ରିକ୍ ମଡେଲ ଆଣିବା ପାଇଁ ପ୍ରସ୍ତୁତ ହେଉଛି । କମ୍ପାନୀ ଚଳିତବର୍ଷ ଶେଷ ସୁଦ୍ଧା ଆକ୍ସେସର ଇଲେକ୍ଟ୍ରିକ୍ ମଡେଲ ବଜାରକୁ ଆଣିବା ନେଇ ଅନୁମାନ କରାଯାଉଛି । କମ୍ପାନୀ ପୂର୍ବରୁ ନିଜ ବର୍ଗମ୍ୟାନର ଇଲେକ୍ଟ୍ରିକ୍ ମଡେଲର ଟେଷ୍ଟିଂ କରୁଛି ।
କୁହାଯାଉଛି କି କମ୍ପାନୀ ଆକ୍ସେସ ଇଲେକ୍ଟ୍ରିକର ଡିଜାଇନ୍ ବର୍ତ୍ତମାନର ଆଇସିଇ ମଡେଲଠୁ ନେଇପାରେ । ଏହା ସହିତ ଆକ୍ସେସ୍ ଇଲେକ୍ଟ୍ରିକର ପ୍ରୋଟୋଟାଇପ୍ ବର୍ଗମ୍ୟାନ୍ ଇଲେକ୍ଟ୍ରିକ୍ ସହ ସମାନ ହେବ । ଏହାର ଷ୍ଟାଇଲଠୁ ଆରମ୍ଭ କରି ବଡି କମ୍ପୋନେଟ୍ ଆଇସିଇ ମଡେଲ ସହ ସମାନ ହେବ । ଏଥିରେ ବ୍ରେକିଂ ପାଇଁ ଡୁଆଲ ଫ୍ରଣ୍ଟ୍ ଏବଂ ସିଙ୍ଗଲ ରିୟର ଡିସ୍କ ବ୍ରେକ୍ ମିଳିବ । ସେହିଭଳି ସସପେନ୍ସନ ପାଇଁ ଟେଲିସ୍କୋପିକ୍ ଫ୍ରଣ୍ଟ ଫୋର୍କ୍ସ ଏବଂ ଏକ ମୋନୋଶକ୍ ୟୁନିଟ୍ ମିଳିବା ଆଶା ରହିଛି ।
ଏଥିରେ ଅନେକ ପ୍ରକାର କନେକ୍ଟିଭିଟି ଫିଚର୍ସ ମଧ୍ୟ ମିଳିବା ଅନୁମାନ କରାଯାଉଛି । ଏଥିରେ ବର୍ଗମ୍ୟାନ୍ ଇଲେକ୍ଟ୍ରିକ୍ ସ୍କୁଟର ଭଳି ବଦଳାଇ ହେଉଥିବା ବ୍ୟାଟେରୀ ବ୍ୟବହାର କରାଯିବ । ଅର୍ଥାତ୍ ବ୍ୟାଟେରୀକୁ ବାହାର କରି ଆପଣ ଏହାକୁ କେଉଁଠି ବି ଚାର୍ଜ କରିପାରିବେ । ଏଥିରେ ଏକ ଏସି ସିକ୍ରୋନସ୍ ଇଲେକ୍ଟ୍ରିକ୍ ମୋଟର ମିଳିବା ଆଶା ରହିଛି । କୁହାଯାଉଛି କି ବଜାରରେ ମିଳୁଥିବା ଅନ୍ୟ ଇଲେକ୍ଟ୍ରିକ୍ ମଡେଲ ତୁଳନାରେ ଏଥିରେ ଅନେକ ଫିଚର୍ସ ଯୋଡାଯିବ । ତେବେ ଦାମ୍ କଥା କହିବା ତ ଏହାର ଦାମ୍ ପ୍ରାୟ ୧.୨ ଲକ୍ଷ ଟଙ୍କା ପାଖାପାଖି ରହିପାରେ । ଭାରତୀୟ ବଜାରରେ ଏହାର ସିଧା ମୁକାବିଲା ବଜାଜ ଚେତକ ଇଲେକ୍ଟ୍ରିକ୍, ଟିଭିଏସ୍ ଆଇକ୍ୟୁବ୍ ଏବଂ ଅପକମିଂ ହୋଣ୍ଡା ଆକ୍ଟିଭା ଇଲେକ୍ଟ୍ରିକ୍ ସ୍କୁଟର ସହିତ ହେବ ।
