ପାତ୍ରପୁର:ପାତ୍ରପୁର ବ୍ଲକ ଖାରିଆଗୁଡ଼ା ପଞ୍ଚାୟତ ମୁକୁନ୍ଦ ପୁର ଗ୍ରାମରେ ମାଁ ଠାକୁରାଣୀଙ୍କ ପାଞ୍ଚ ବର୍ଷୀୟ ଯାତ୍ରା ଆରମ୍ଭ ହୋଇଛି। ଗତକାଲି ରାତ୍ର ଠାକୁରାଣୀଙ୍କ ପୀଠରେ ଗ୍ରାମର ଲୋକମାନେ ପହଞ୍ଚି ପୂଜା ପାଠ କରିବା ସହ ମା ଙ୍କୁ ଆବାହନ କରିଥିଲେ।
ରାତ୍ର ଆଜ୍ଞା ମାଳ ମିଳିବା ପରେ ଏକ ବିରାଟ ଶୋଭାଯାତ୍ରା ରେ ମା ଙ୍କୁ ପାଛୋଟି ଆଣି ଅସ୍ଥାୟୀ ପୀଠ ରେ ରଖା ଯାଇଛି।ନିୟମିତ ରାତ୍ର ମାଆ ଙ୍କୁ ଗ୍ରାମ ପରିକ୍ରମା କରାଯାଉଛି।ଯାତ୍ରା ପାଇଁ ଗ୍ରାମ ରଙ୍ଗୀନ ଆଲୁଅରେ ଝଟକୁଛି।ନିୟମିତ ବିଭିନ୍ନ ପଟୁଆର ସାଙ୍ଗକୁ ନାଟକ ପରିବେଷଣ ହେଉଛି।ଗତ କିଛି ବର୍ଷ ଧରି କାମ କରିବା ପାଇଁ ରାଜ୍ୟ ବାହାରେ ରହୁଥିବା ଗ୍ରାମର ଲୋକମାନେ ଫେରି ଛନ୍ତି।ଦିନରେ ବିଭିନ୍ନ ପଟୁଆର ସାଙ୍ଗକୁ ସନ୍ଧ୍ୟାରେ କଳାକୁଞ୍ଜ ଦେଖିବାକୁ ଭିଡ ଲାଗୁଛି।ଯାତ୍ରା ପାଇଁ ଗ୍ରାମକୁ ବନ୍ଧୁ ବାନ୍ଧବ ଙ୍କ ଭିଡ଼ ଲାଗି ରହିଥିବା ବେଳେ ପଡୋଶୀ ଆନ୍ଧ୍ର ରୁ ଲୋକମାନେ ଆସୁଛନ୍ତି।।ଆସନ୍ତା ୨୮ ତାରିଖରେ ଯାତ୍ରା ଶେଷ ହେବା ସ୍ଥିର ହୋଇଛି।
