ଏଫବିଆଇ ମୋଷ୍ଟ ୱାଣ୍ଟେଡ ତାଲିକାରେ ଜଣେ ଭାରତୀୟ

ନୂଆଦିଲ୍ଲୀ: ୧୦ ମୋଷ୍ଟ ୱାଣ୍ଟେଡଙ୍କ ତାଲିକା ଜାରି କରିଛି ଯୁକ୍ତରାଷ୍ଟ୍ର ଆମେରିକାର ଫେଡେରାଲ୍‌‌ ବ୍ୟୁରୋ ଅଫ୍‌‌ ଇନଭେଷ୍ଟିଗେସନ୍‌‌। ଏହି ତାଲିକାରେ ଜଣେ ଭାରତୀୟଙ୍କ ନାଁ ରହିଛି। ସେ ହେଲେ ଅହମ୍ମଦାବାଦର ବିରାମଗାମ ଅଞ୍ଚଳର ଭଦ୍ରେଶ କୁମାର ପଟେଲ। ତାଙ୍କ ନାମରେ ୨୫୦,୦୦୦ ଡଲାର ଅର୍ଥାତ ଭାରତୀୟ ଅର୍ଥରାଶି ଅନୁସାରେ ୨କୋଟି ୯୦ଲକ୍ଷ ୨୮ହଜାର ୨୫ଟଙ୍କାର ପୁରଷ୍କାର ରାଶି ଘୋଷଣା କରାଯାଇଛି। ଏଫବିଆଇ ପକ୍ଷରୁ ସୋସିଆଲ ମିଡ଼ିଆ ଏକ୍ସରେ ଏହି ସୂଚନା ଦିଆଯାଇଛି।
ଏଫବିଆଇ ମୋଷ୍ଟ ୱାଣ୍ଟେଡ ତାଲିକା ଅନୁସାରେ ୨୧ବର୍ଷୀୟ ସ୍ତ୍ରୀକୁ ହତ୍ୟା କରିବା ପରେ ୨୦୧୫ ମସିହାରୁ ଭଦ୍ରେଶ ଫେରାର ରହିଛି। ଭଦ୍ରେଶକୁ ସେତେବେଳେ ୨୪ବର୍ଷ ବୟସ ହୋଇଥିଲା। ମେରିଲ୍ୟାଣ୍ଡ ହାନୋବରରେ ଥିବା ଏକ କଫି ସପ୍‌‌ ଭିତରେ ଭଦ୍ରେଶ ନିଜ ସ୍ତ୍ରୀ ପଲକକୁ ଛୁରୀ ଭୁସି ନିର୍ମମ ଭାବେ ହତ୍ୟା କରିଥିଲେ। ଏହି ସମୟରେ ଗ୍ରାହକମାନେ ମଧ୍ୟ ଘଟଣାସ୍ଥଳରେ ଉପସ୍ଥିତ ଥିଲେ। ରିପୋର୍ଟ ଅନୁସାରେ ହତ୍ୟାକାଣ୍ଡ ଘଟିବାର ମାସେ ପୂର୍ବରୁ ଦମ୍ପତିଙ୍କ ମଧ୍ୟରେ ଲଗାତାର ଝଗଡା ହେଉଥିଲା। ପଲକ ପଟେଲ ଭାରତକୁ ଫେରିବାକୁ ଚାହୁଁଥିଲେ। କିନ୍ତୁ ତାଙ୍କ ସ୍ୱାମୀ ଏହାକୁ ବିରୋଧ କରିଥିଲେ। ଫଳରେ ଉତକ୍ଷିପ୍ତ ହୋଇ ସ୍ୱାମୀ ଭଦ୍ରେଶ ସ୍ତ୍ରୀକୁ ହତ୍ୟା କରିଥିବା ଜଣାପଡିଥିଲା। ଭଦ୍ରେଶ ପଟେଲଙ୍କୁ ଜଣେ ହତ୍ୟାକାରୀ ଓ ବିପଜ୍ଜନକ ଅପରାଧୀ ବୋଲି କହିଛି ଏଫବିଆଇ। ଭଦ୍ରେଶକୁ ଧରିବା ପାଇଁ ପୁରସ୍କାର ରାଶି ଘୋଷଣା କରାଯାଇଛି।

The #FBI offers a reward of up to $250,000 for info leading to the arrest of Ten Most Wanted Fugitive Bhadreshkumar Chetanbhai Patel, wanted for allegedly killing his wife while they were working at a donut shop in Hanover, Maryland, on April 12, 2015: https://t.co/tCZ0Fde7WQ pic.twitter.com/GGLK4dBLhA

— FBI Most Wanted (@FBIMostWanted) April 12, 2024