ଶକ୍ତିଉତ୍ତୋଳନ ଚମ୍ପିଆନସିପ୍‌ – ଓଡ଼ିଶା ଦଳର ହାଇଦରାବାଦ ଗସ୍ତ

କଟକ: ଚଳିତ ଏପ୍ରିଲ ୮ରୁ ୧୨ ପର୍ଯ୍ୟନ୍ତ ହାଇଦରାବାଦ୍‌ରେ ଜାତୀୟ ବରିଷ୍ଠ ଶକ୍ତିଉତ୍ତୋଳନ ଚମ୍ପିଆନସିପ୍‌ ଆୟୋଜିତ ହେବ। ଏଥିରେ ଅଂଶଗ୍ରହଣ କରିବା ଲାଗି ୧୫ ଜଣିଆ ଓଡ଼ିଶା ଦଳ ଶନିବାର ହାଇଦରାବାଦ୍‌ ଗସ୍ତ କରିଛନ୍ତି। ଦଳରେ ରଞ୍ଜନ ହାଁସଦା, ପ୍ରବୀର କୁମାର ପୃଷ୍ଟି, ପାଡ଼ଲା ଶ୍ରୀନିବାସ, ଦେବାଶିଷ ମହାନ୍ତି, କପିଳେନ୍ଦ୍ର ସାମଲ,ମାଇକେଲ ମାଣ୍ଡିଆ, ସୌମ୍ୟପ୍ରଭା ଟୁଡୁ, ପ୍ରଭାତି ସିଂହ, ଦେବୀ ସିଂହ, ଦିବ୍ୟଲେଖା ମିଶ୍ର, ତନୟା ପଣ୍ଡା, ରାଜସ୍ମିତା ସାହୁ, ନଗ୍‌ମା ଆରା ବେଗମ ପ୍ରମୁଖ ବିଭିନ୍ନ ଓଜନ ବର୍ଗରେ ଭାଗନେବେ। ଦଳ ସହ ରାକେଶ ଶତପଥୀ ପ୍ରଶିକ୍ଷକ, ନିରଞ୍ଜନ ବେବର୍ତ୍ତା ପଟ୍ଟନାୟକ ମ୍ୟାନେଜର ଭାବେ ଦଳ ସହିତ ଯାତ୍ରା କରିଛନ୍ତି। ଖେଳାଳିଙ୍କୁ ଓଡ଼ିଶା ଶକ୍ତିଉତ୍ତୋଳନ ସଂଘ ପକ୍ଷରୁ ଶୁଭେଚ୍ଛା ଜଣାଇବା ସହ ସହ ସଫଳତା କାମନା କରାଯାଇଛି।