ପାତ୍ରପୁର : ଜରଡା ଥାନା ତୁରୁବୁଡି ପଞ୍ଚାୟତ ପୁହୁଣ୍ଡି ଗ୍ରାମର ତୁମ୍ୱେଶ୍ଵର ମହାଦେବ ମନ୍ଦିରର ହୁଣ୍ଡି ବିଳମ୍ବିତ ରାତିରେ ଚୋରି ହୋଇଥିବା ଅଭିଯୋଗ ହୋଇଛି। ଶୁକ୍ରବାର ସକାଳେ ମନ୍ଦିର ପୂଜକ ପଦ୍ମନାଭ ରଣା ଭୋର ସମୟରେ ଶଙ୍ଖ ନାଦ କରି ମନ୍ଦିର ଖୋଲିବା ବେଳେ ହୁଣ୍ଡିଟି ନଥିବା ଦେଖି ଗ୍ରାମବାସୀଙ୍କୁ ଜଣାଇଥିଲେ। ଗ୍ରାମବାସୀ ପହଞ୍ଚିବା ପରେ ଖାରିଆ ଗୁଡ଼ା ପୁଲିସକୁ ଖବର ଦେଇଥିଲେ। ଚୋରି ଖବର ପାଇ ଖାରିଆ ଗୁଡ଼ା ଫାଣ୍ଡି ଅଧିକାରୀ ପହଞ୍ଚି ବିଭିନ୍ନ ରାସ୍ତାରେ ଲାଗିଥିବା ସିସିଟିଭି ଫୁଟେଜ ଯାଞ୍ଚ କରିଥିଲେ। ଚୋର ମାନେ ହୁଣ୍ଡିକୁ ମନ୍ଦିର ଠାରୁ ରାସ୍ତା ପର୍ଯ୍ୟନ୍ତ ପ୍ରାୟ ଦୁଇଶହ ମିଟର ଘୋଷାରି ନେଇ ଥିବା ଚିହ୍ନ ଥିବା ଦେଖିବାକୁ ମିଳୁଛି। ଶିବରାତ୍ରୀ ପୂର୍ବରୁ ମନ୍ଦିର ଉନ୍ନତି ପାଇଁ ଗ୍ରାମବାସୀମାନେ ଦୁଇ ଲକ୍ଷ ଟଙ୍କା ରଖିଥିବା ବେଳେ ପୂର୍ବରୁ ପ୍ରାୟ ଦୁଇ ଲକ୍ଷରୁ ଉର୍ଦ୍ଧ୍ବ ଟଙ୍କା ସର୍ବ ମୋଟ ଚାରି ଲକ୍ଷରୁ ଉର୍ଦ୍ଧ ଟଙ୍କା ଏବଂ କିଛି ଅଳଙ୍କାର ହୁଣ୍ଡିରେ ଥିବା ପୂଜକ ପଦ୍ମନାଭ ରଣା ପୁଲିସରେ ଲିଖିତ ଅଭିଯୋଗ କରିଛନ୍ତି।
Comments are closed.