ଡେସ୍କ: ବାଂଲାଦେଶରେ ପଦ୍ମ-ମେଘନା ଅଭୟାରଣ୍ୟରେ ମାଛ ଧରିବା ଉପରେ ୨ ମାସ ପାଇଁ କଟକଣା ଜାରି କରାଯାଇଛି। ଆସନ୍ତାକାଲିଠାରୁ ଏହି କଟକଣା ଲାଗୁ ହେବ। ନ୍ୟାସନାଲ ଟାସ୍କ ଫୋର୍ସ କମିଟି ପକ୍ଷରୁ ହିଲ୍ସା ରିସୋର୍ସ ଡେଭଲପମେଣ୍ଟ ଉପରେ ପ୍ରତିବନ୍ଧକ ଲଗାଯାଇଛି। ଜଳଜ ପରିବେଶକୁ ସୁରକ୍ଷିତ ରଖିବା ଏବଂ ହିଲ୍ସାର ମାଛ ପ୍ରଜାତିର ପ୍ରଜନନକୁ ପ୍ରୋତ୍ସାହିତ କରିବା ଏହାର ଉଦ୍ଦେଶ୍ୟ। ଏହି ଅଭୟାରଣ୍ୟ ମଟଲାବ ଉତ୍ତର ଉପଜିଲାର ସତନାଳଠାରୁ ହେମଚର ଉପଜିଲାର ଚାରଭୈରବି ପର୍ଯ୍ୟନ୍ତ ୭୦ କିଲୋମିଟର ପରିବ୍ୟାପ୍ତ। ହିଲ୍ସା ସମ୍ବଳ ବିକାଶ ନେଇ ଜାତୀୟ ଟାସ୍କ ଫୋର୍ସ କମିଟି ବୈଠକ କରିଛି। ସରକାରଙ୍କ ଯୋଜନାକୁ କାର୍ଯ୍ୟକାରୀ କରିବା ସହ ପଦ୍ମ ମେଘନା ଗାଁର ମତ୍ସ୍ୟଜୀବୀଙ୍କୁ ସଚେତନ କରିବା ଏହି ବୈଠକର ଉଦ୍ଦେଶ୍ୟ ଥିଲା। ଏହି କଟକଣା ଦ୍ୱାରା ଚାନ୍ଦପୁର ଜିଲ୍ଲାର ୪୩ ହଜାର ପଞ୍ଜୀକୃତ ମତ୍ସ୍ୟଜୀବୀ ପ୍ରଭାବିତ ହେବେ। ଚାନ୍ଦପୁର ଜିଲ୍ଲା ମତ୍ସ୍ୟ ଅଧିକାରୀ କହିଛନ୍ତି ଯେ ବାଂଲାଦେଶ ସରକାର ମତ୍ସ୍ୟଜୀବୀଙ୍କୁ ମୁଣ୍ଡ ପିଛା ୪୦ କିଲୋଗ୍ରାମ ଖାଦ୍ୟଶସ୍ୟ ଯୋଗାଇ ଦେବେ।
ପ୍ରକଳ୍ପ କାର୍ଯ୍ୟ ତ୍ୱରାନ୍ୱିତ କରିବାକୁ ପ୍ରମୁଖ ଶାସନ ସଚିବଙ୍କ ନିର୍ଦ୍ଦେଶ
