ଦେଓଗାଁ: ଦେଓଗାଁ ବ୍ଳକ କାର୍ଯ୍ୟାଳୟ ପରିସରରେ ସୁଧ ପଇଠ କରିଥିବା ମହିଳା ସ୍ବୟଂ ସହାୟକ ଦଳକୁ ସୁଧ ଫେରସ୍ତ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମକୁ ଦେଓଗାଁ ଓଡ଼ିଶା ଜୀବନ ଜିବିକା ମିଶନର ପ୍ରକଳ୍ପ ସଂଯୋଜକ ପ୍ରଦିପ ଛତ୍ରିଆ ପରିଚାଳନା କରିଥିବା ବେଳେ ମୁଖ୍ୟ ଅତିଥି ଭାବେ ଦେଓଗାଁ ବ୍ଳକ ଅଧ୍ୟକ୍ଷ ଦୟାନିଧୀ ଖମାରୀ, ବିଡ଼ିଓ କ୍ଷମାନିଧୀ ଭୋଇ, ପୂର୍ବ ବ୍ଲକ ଅଧ୍ୟକ୍ଷ ତଥା ସାଲେପଲି ସମିତି ସଭ୍ୟ ଲକ୍ଷ୍ମଣ ମେହେର, ଜିଲା ପରିଷଦ ସଭ୍ୟା ମମତା କୁମୁରା ଓ ସୁମତୀ ସେଠ, ସିଡ଼ିପିଓ ସୁକାନ୍ତୀ ବେହେରା, ଦେଓଗାଁ, ସାଲେପାଲି, ବଡ଼ ବାହାଲ, ଉଡାର ସରପଞ୍ଚ ଯଥା କ୍ରମେ ନିନା ଛତ୍ରିଆ ଓ ବଲ୍ଲବୀ ସାହୁ, ଜୋତ୍ସ୍ନାମୟୀ ରଣା, ପଞ୍ଚମୀ ଦୀପ, ମିଶନ ଶକ୍ତି ପ୍ରକଳ୍ପ ସଂଯୋଜକ ଭକ୍ତି ଭୂଷଣ ପଣ୍ଡା, ଦେଓଗାଁ ବ୍ୟାଙ୍କ ପରିଚାଳକ ଅନନ୍ତ ଦାସ ବନ୍ଧପଡ଼ା ବ୍ୟାଙ୍କ ପରିଚାଳକ ସୁଶାନ୍ତ ଭୋଇ, ତୁଷୁରା ଷ୍ଟେଟ ବ୍ୟାଙ୍କ ପରିଚାଳକ ସତ୍ୟଜିତ ଭୋଇ ପ୍ରମୁଖ ମଞ୍ଚାସୀନ ଥିବା ବେଳେ ଦେଓଗାଁ ବ୍ଳକର ସମସ୍ତ ଗାଁରୁ ଆସିଥିବା ଏମବିକେ, ସିଆରପି, ବ୍ୟାଙ୍କ ମିତ୍ର, କୃଷି ମିତ୍ର, ପ୍ରାଣୀ ମିତ୍ର ଓ ମହିଳାସ୍ବୟଂ ସହାୟକ ଦଳର ମାଁମାନେ ଯୋଗ ଦେଇଥିଲେ।
ଦେଓଗାଁ ବ୍ଲକର ମୋଟ ୯୦୭ଟି ମହିଳା ସ୍ବୟଂ ସହାୟକ ଦଳ ବ୍ୟାଙ୍କ ସହ ସଂଯୋଗ ହୋଇଥିବା ବେଳେ ବିଭିନ୍ନ ସମୟରେ ଋଣ ଦେଇ ଠିକ ଭାବେ ଓ ଠିକ ସମୟରେ ସୁଧ ସହ ମୂଳ ପଇଠ କରିଥିବା ୬୩୮ଟି ଏସଏଚଜି ଦଳକୁ ୧୩ ଲକ୍ଷ ୧୫ହଜାର ୭୮୦ଟଙ୍କା ସୁଧ ଚେକ ଆକାରରେ ଫେରସ୍ତ କରାଯାଇଛି। ଆସନ୍ତା ଦିନରେ ବିନା ସୁଧରେ ୧୦ଲକ୍ଷ ଟଙ୍କା ଋଣ ଆକାରରେ ଦିଆଯିବ । ସମସ୍ତ ମୂଳ ଓ ସୁଧକୁ କିସ୍ତି ଆକାରରେ ଭାଗ କରାଯିବ। ଯେଉଁ ଦଳ ସମସ୍ତ କିସ୍ତି ଠିକ ସମୟରେ ଠିକ ଭାବେ ପଇଠ କରିବେ ତାଙ୍କ ସୁଧ ଟଙ୍କା ଫେରସ୍ତ କରି ଦିଆଯିବ। ଏହି ସୁଧ ଟଙ୍କା ରାଜ୍ୟ ସରକାର ବହନ କରିବେ ବୋଲି ମଞ୍ଚରେ ଅତିଥିମାନେ ମତ ପ୍ରଦାନ କରିଥିଲେ।
Comments are closed.