ଭୁବନେଶ୍ୱର . – ବୁଧବାରରେ ରାଜ୍ୟ ସରକାର ସାଧାରଣ ଓ ଦ୍ରୁତଗାମୀ ବସ୍ ଭଡା ହ୍ରାସ କରିଛନ୍ତି । ସାଧାରଣ ଓ ଦ୍ରୁତଗାମୀ ବସ୍ର ଭଡା କିଲୋମିଟର ପ୍ରତି ୨ ପଇସା କମ୍ କରାଯାଇଥିବା ବେଳେ ଡିଲକ୍ସ ଓ ଏସି ବସ୍ର ଭ଼ଡା କିଲୋମିଟର ପ୍ରତି ୪ ପଇସା କମ୍ କରାଯାଇଛି ।
ପୂର୍ବରୁ ସାଧାରଣ ବସ୍ ଭଡା କିଲୋମିଟର ପ୍ରତି ୭୦ ପଇସା ଥିବା ବେଳେ ଏବେ ହ୍ରାସ ପାଇ ୬୮ ପଇସା ହୋଇଛି । ସେହିପରି ଦ୍ରୁତଗାମୀ ବା ଏକ୍ସପ୍ରେସ ବସ୍ର ଭଡା କିଲୋମିଟରପ୍ରତି ୭୩ ପଇସାରୁ କମ୍ କରି ୭୧ ପଇସା କରି ଦିଆଯାଇଛି । ଡିଲକ୍ସ ବସ୍ ଭଡା ପୂର୍ବରୁ ୧ଟଙ୍କା ଏକ ପଇସା ଥିବା ବେଳେ ଏହାକୁ ହ୍ରାସ କରାଯାଇ ୯୭ ପଇସା କରାଯାଇଛି । ଏସି ବସ୍ର ଭଡା ଏକ ଟଙ୍କା ୨୩ ପଇସା ଥିବା ବେଳେ ଏହାକୁ ହ୍ରାସ କରାଯାଇ ଏକ ଟଙ୍କା ୧୯ ପଇସା କରାଯାଇଛି ।
