ମୁଖୀଗୁଡା : କଳାହାଣ୍ଡି ଜିଲ୍ଲା ଜୟପାଟଣା ବ୍ଲକ କପୁରମାଲ ଠାରୁ କୁହୁରୀଗୁମା ପ୍ରଧାନମନ୍ତ୍ରୀ ଗ୍ରାମ ସଡ଼କ ଯୋଜନା ରାସ୍ତାରୁ ପିଚୁ ଖୋଳି ଦେଇ ଛାଡି ଦେଇ ଥିବାରୁ ରାସ୍ତାରେ ଯିବାଆସିବା ପାଇଁ ବହୁ ଅସୁବିଧାର ସମ୍ମୁଖୀନ ହେବାକୁ ପଡୁଛି । ଗତ ଏକମାସ ତଳେ ଏହି ରାସ୍ତାର ପିଚୁକୁ ଜେସିବି ସାହାଯ୍ୟରେ ଖୋଳି ଦେଇ ସେହି ପିଚୁ ଥିବା ମେଟାଲକୁ ରାସ୍ତାରେ ଛାଡି ଦିଆଯାଇଛି । ଯାହା ଫଳରେ ଏହି ରାସ୍ତାରେ ସାଇକେଲ କିମ୍ବା ମୋଟରସାଇକେଲରେ ଯିବା କଷ୍ଟ ହେଉଛି ।
ବିଭିନ୍ନ ସମୟରେ ଛୋଟ ମୋଟ ଦୁର୍ଘଟଣା ଘଟୁଛି । ରାସ୍ତା ମରାମତି ସମ୍ପର୍କରେ କୌଣସି ସୂଚନା ଫଳକ ଦିଆଯାଇ ନାହିଁ । ଏ ସମ୍ପର୍କରେ ବିଭାଗୀୟ ଏସଡ଼ିଓଙ୍କୁ ପଚାରିଲେ ତାଙ୍କ ପାଖରେ କୌଣସି ତଥ୍ୟ ନଥିବା କହୁଥିବାବେଳେ ଜେଇ ମୋବାଇଲ ଫୋନ ଉଠାଉ ନାହାନ୍ତି । ବିଭାଗୀୟ ଉଚ୍ଚ କତ୍ତୃପକ୍ଷ ଏଥି ପ୍ରତି ଦୃଷ୍ଟି ଦେବାକୁ ଦାବି ହୋଉଛି । ତେବେ ଲୋକଙ୍କୁ ହୀନସ୍ତା କରିବାକୁ ଏହି ରାସ୍ତା ମରାମତି କାର୍ଯ୍ୟ କରାଯାଉଛି ବୋଲି ଗ୍ରାମବାସୀମାନେ ଅଭିଯୋଗ କରୁଛନ୍ତି । ଯଥା ଶୀଘ୍ର ମରାମତି କାର୍ଯ୍ୟ ଶେଷ ନକଲେ ଆନ୍ଦୋଳନ କରିବେ ବୋଲି ଗ୍ରାମବାସୀ ନିଷ୍ପତ୍ତି ନେଇଛନ୍ତି।
ରାସ୍ତାରୁ ଛାଡିଯାଇଛି ପିଚୁ ,ଲୋକେ ହେଉଛନ୍ତି ହୀନସ୍ତା
Popular Categories
Previous article
Next article