ଡେସ୍କ: ରାଷ୍ଟ୍ରୀୟ ନାଟ୍ୟ ବିଦ୍ୟାଳୟ ଦ୍ୱାରା ଫେବୃଆରୀ ୧ରୁ ୨୫ତମ ଆନ୍ତର୍ଜାତିକ ନାଟକ ମହୋତ୍ସବ – ଭାରତ ରଙ୍ଗ ମହୋତ୍ସବ ଆରମ୍ଭ ହେବ। ଚଳିତ ଥର ଏହି ମହୋତ୍ସବର ବିଷୟ ରହିଛି ଥିଏଟର ସାକ୍ଷରତା, ଶୈଖିକ ଆଲୋଚନା ଏବଂ ନାଗରିକଙ୍କ ଅଂଶଗ୍ରହଣ ଫେବୃଆରୀ ୨୧ ପର୍ଯ୍ୟନ୍ତ ଚାଲିବାକୁ ଥିବା ଏହି ଉତ୍ସବରେ ସାରା ଦେଶରେ ୧୫୦ରୁ ଅଧିକ ନାଟକ ପ୍ରଦର୍ଶିତ ହେବ। ଏହି ଉତ୍ସବ ମୁମ୍ବାଇରେ ଉଦଘାଟିତ ହେବ ଏବଂ ଉଦଯାପନୀ ସମାରୋହ ଦିଲ୍ଲୀରେ ଅନୁଷ୍ଠିତ ହେବ।
କଲିକତା ହାଇକୋର୍ଟରେ ବିଚାରପତି ବିବାଦ – ସମସ୍ତ ନିଷ୍ପତ୍ତି ସ୍ଥଗିତ ରଖିଲେ ସୁପ୍ରିମକୋର୍ଟ
ଆଜି ନୂଆଦିଲ୍ଲୀରେ ଏକ ସାମ୍ବାଦିକ ସମ୍ମିଳନୀକୁ ସମ୍ବୋଧିତ କରି ଏନଏସଡି ନିର୍ଦ୍ଦେଶକ ଚିତରଞ୍ଜନ ତ୍ରିପାଠୀ କହିଛନ୍ତି ଯେ ଉତ୍ସବର ବିଷୟବସ୍ତୁ ହେଉଛି ବସୁଧୈବ କୁଟୁମ୍ବକମ- ବନ୍ଦେ ମାତରମ। ଥିଏଟର କଳା ମାଧ୍ୟମରେ ବିଶ୍ୱକୁ ଏକାଠି କରିବାକୁ ଏହି ଉତ୍ସବର ଲକ୍ଷ୍ୟ ରହିଛି ବୋଲି ସେ କହିଛନ୍ତି। ଶ୍ରୀ ତ୍ରିପାଠୀ ଆହୁରି ମଧ୍ୟ କହିଛନ୍ତି ଯେ ବିଶିଷ୍ଟ ଅଭିନେତା ତଥା ଏନଏସଡି ଆଲୁମିନି ପଙ୍କଜ ତ୍ରିପାଠୀ ଏହି ଉତ୍ସବର ରାଷ୍ଟ୍ରଦୂତ ହେବେ। ସେ କହିଛନ୍ତି ଯେ ଚଳିତ ବର୍ଷ ଭୁଜ, ବିଜୟୱାଡା, ଯୋଧପୁର, ପାଟଣା, ବନାରସ, ବେଙ୍ଗାଲୁରୁ ସମେତ ୧୫ଟି ରାଜ୍ୟରେ ଏହି ପର୍ବପାଳିତ ହେବ। ଏନଏସଡିର ଅଧ୍ୟକ୍ଷ ପରେଶ ରାୱଲ ଏହି ଉତ୍ସବରେ ଯୋଗଦେବାକୁ ଏବଂ ଥିଏଟର କଳାକୁ ପ୍ରଶଂସା କରିବାକୁ ଲୋକଙ୍କୁ ଲୋକଙ୍କୁ ଆହ୍ୱାନ ଦେଇଛନ୍ତି।
ଆସାମ, ବଙ୍ଗାଳୀ, ହିନ୍ଦୀ, କନ୍ନଡ, ଡୋଗ୍ରି, ମୈଥିଳି, ମରାଠୀ ଏବଂ ଗୁଜୁରାଟୀ ସମେତ ବିଭିନ୍ନ ଭାଷା ଭିତ୍ତିକ ନାଟକ ଏହି ଉତ୍ସବର ଏକ ଅଂଶ ହେବ। ରୁଷ, ସ୍ପେନ୍, ଇଟାଲୀ, ବାଂଲାଦେଶ ଏବଂ ନେପାଳର ଆନ୍ତର୍ଜାତୀୟ ନାଟକ ମଧ୍ୟ ମଞ୍ଚସ୍ଥ ହେବାକୁ ମନୋନୀତ ହୋଇଛି। ମାଷ୍ଟରକ୍ଲାସ, ରଙ୍ଗ ହାଟ, ଜାତୀୟ ତଥା ଆନ୍ତର୍ଜାତୀୟ ସେମିନାର, ନିର୍ଦ୍ଦେଶକଙ୍କୁ ଭେଟିବା ଏବଂ ଯୁବ ଫୋରମ୍ ଏହି ଉତ୍ସବରେ କିଛି ପ୍ରମୁଖ ଆକର୍ଷଣ ହେବ।
Comments are closed.