ଗୁରୁଡ଼ିଝାଟିଆ: ଓଡ଼ିଶା ଚଳଚିତ୍ର ଜଗତର ସୁପରିଚିତ କିମ୍ବଦନ୍ତୀ ବ୍ୟକ୍ତିତ୍ୱ ସଂଗୀତ ନିର୍ଦ୍ଦେଶକ,ଅଭିନେତା ଓ ଗୀତିକାର ସ୍ୱରୂପ ନାୟକଙ୍କ ବିୟୋଗରେ ଗୁରୁଡ଼ିଝାଟିଆ ଅଞ୍ଚଳରେ ଶୋକର ଛାୟା ଖେଳିଯାଇଛି। ସେ ଗୁରୁଡ଼ିଝାଟିଆ-କୋତର ଗ୍ରାମର ରାମଚନ୍ଦ୍ର ସାହୁ ଓ ରୁକ୍ମୁଣୀ ସାହୁଙ୍କ ବଡଝିଅ ଚଳଚିତ୍ର ଅଭିନେତ୍ରୀ ନିହାରୀକା ସାହୁଙ୍କୁ ସ୍ୱରୂପ ନାୟକ ବିବାହ କରିଥିଲେ। ଗୁରୁଡ଼ିଝାଟିଆ-କୋତର ଅଞ୍ଚଳରେ ସ୍ୱର୍ଗତ ସ୍ୱରୂପ ନାୟକଙ୍କ ବ୍ୟକ୍ତିତ୍ୱ, ମଣିଷପଣିଆକୁ ସାଧାରଣ ଜନତା ଝୁରୁଛନ୍ତି। ଚଳଚିତ୍ର ଜଗତରେ ବେଶ ଖ୍ୟାତି ଅର୍ଜନ କରି ଅନେକ ଅଭୂଲା ସଂଗୀତ ନିର୍ଦ୍ଦେଶନା ଓ ଗୀତ ଲେଖିବା ସହିତ ଅଭିନୟ କରିଥିଲେ ମଧ୍ୟ ତାଙ୍କର ବ୍ୟକ୍ତିତ୍ୱ ସଦା ସରଳ ଥିଲା। ସ୍ୱରୂପ ନାୟକଙ୍କ ବିୟୋଗରେ ଗୁରୁଡ଼ିଝାଟିଆ ସମାଜ ପାଠକ ମଞ୍ଚର ସଭାପତି ତଥା ଅଭିନେତ୍ରୀ ନିହାରୀକାଙ୍କ ଶିକ୍ଷକ ଗଭୀର ଶୋକବ୍ୟକ୍ତ କରିବା ସହିତ ଏହା ତାଙ୍କ ପାଇଁ ଅପୁରଣୀୟ କ୍ଷତି ବୋଲି କହିଥିଲେ। ସୁବାସ ଚନ୍ଦ୍ର ନାୟକ, ରଶ୍ମୀରଞ୍ଜନ ସାହାଣୀ, ପବିତ୍ର ମୋହନ ସାହାଣୀ,ଅଭୟ କୁମାର ସାମଲଙ୍କ ସହିତ ଶାଳକ ଡଃ ସୁଜିତ ସାହୁ, ରଞ୍ଜନ ସାହୁ, ଇଂ ରବୀନ୍ଦ୍ର ସାହୁ, ସମୀର ସାହୁ, ତୁଷାର ସାହୁ ପ୍ରମୁଖ ଗଭୀର ଶୋକବ୍ୟକ୍ତ କରିଛନ୍ତି।
Popular Categories
Previous article
Next article