ଆଠଗଡ଼: ଆଠଗଡ଼ ସହରରେ ୨ଟି ସ୍ଥାନରେ ଗଜଲକ୍ଷ୍ମୀ ପୂଜା ଅନୁଷ୍ଠିତ ହେଉଛି। ଲକ୍ଷ୍ମୀବଜାରସ୍ଥିତ ପୁରୁଣା ବସଷ୍ଟାଣ୍ଡଠାରେ ଷ୍ଟାର ନାଇଟ କ୍ଲବ ଆନୁକୁଲ୍ୟରେ ହନୁମାନ କୃପା ପରିଷଦ ଓ ଲକ୍ଷ୍ମୀବଜାର ପୂଜା କମିଟିର ମିଳିତ ସହଯୋଗରେ ନବମ ବର୍ଷ ପାଇଁ ଗଜଲକ୍ଷ୍ମୀ ପୂଜା ଅନୁଷ୍ଠିତ ହୋଇଛି। ଚନ୍ଦ୍ରଗ୍ରହଣ ହେଉଥିବାରୁ ସମସ୍ତ ପୂଜାନୀତି ଅପରାହ୍ନ ୩ଟା ସୁଦ୍ଧା ଶେଷ ହୋଇଥିଲା। ଶନିବାର ସକାଳେ ବହୁ ଶ୍ରଦ୍ଧାଳୁ ଶାସନ ପୋଖରୀରୁ ଜଳକଳସ ଧାରଣ କରି ଶୋଭାଯାତ୍ରାରେ ପୂଜାସ୍ଥଳରେ ପହଞ୍ଚିବା ପରେ ସେଠାରେ କଳସ ସ୍ଥାପନ, ଅଧିବାସ, ଦେବୀଙ୍କ ଚକ୍ଷୁଦାନ ଓ ନ୍ୟାସ ମଣ୍ଡଳ ପୂଜା ଅନୁଷ୍ଠିତ ହୋଇଥିଲା। ପୂଜକ ଲିଙ୍ଗରାଜ ତ୍ରିପାଠୀ ଓ ସୁଧାକର ଶତପଥୀ ସମସ୍ତ ପୂଜାନୀତି ସଂପନ୍ନ କରିଥିବାବେଳେ ସୌମନ୍ଦ୍ର କୁମାର ନନ୍ଦ ସସ୍ତ୍ରୀକ କର୍ତ୍ତା ଭାବେ ଦାୟିତ୍ୱ ନିର୍ବାହ କରିଥିଲେ। ଏଠାରେ ୩ଦିନ ଧରି ଲକ୍ଷ୍ମୀପୂଜା ଅନୁଷ୍ଠିତ ହେବ ବୋଲି ଆୟୋଜକଙ୍କ ସୁତ୍ରରୁ ପ୍ରକାଶ। ସେହିପରି ଚଳିତବର୍ଷ ପ୍ରଥମ କରିି ଗୋପବନ୍ଧୁ ଛକଠାରେ ଗଜଲକ୍ଷ୍ମୀ ପୂଜା ଅନୁଷ୍ଠିତ ହେଉଛି।
Popular Categories
Previous article
Next article