ପିପିଲି: ପିପିଲିର ଦାନୋଗହିର ଅଞ୍ଚଳରୁ ଆନ୍ଧ୍ରପ୍ରଦେଶ ଇଚ୍ଛାପୁରମ ଅଞ୍ଚଳକୁ ଏକ କଣ୍ଟେନର ଯୋଗେ ଚାଲାଣ ହେଉଥିବା ୮ଟନ୍ ଗୋମାଂସକୁ ପିପିଲି ପୁଲିସ ଜବତ କରିବା ସହ ଏହି ଘଟଣାରେ ଦୁଇଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି। ଗିରଫ ଦୁଇ ବ୍ୟକ୍ତି ହେଲେ ପିପିଲି ପୌରାଞ୍ଚଳ ଅନ୍ତର୍ଗତ ଜୟପୁରକିଲ୍ଲା ଅଞ୍ଚଳର ସାମୁଏଲ୍ ବେହେରା(୪୨) ଓ ଦାନୋଗହିର ଅଞ୍ଚଳର ସେକ୍ ଫୟାଜ ବକ୍ସ (୪୦)। ଶନିବାର ଭୋର୍ ସମୟରେ ଦାନୋଗହିର ଅଞ୍ଚଳରୁ ଏକ କଣ୍ଟେନର ଯୋଗେ ଗୋମାଂସ ଚାଲାଣ ହେଉଥିବା ସଂପର୍କରେ ପୁଲିସକୁ ବିଶ୍ୱସ୍ତ ସୂତ୍ରରୁ ଖବର ମିଳିଥିଲା। ଆଇଆଇସି ଦୀପକ କୁମାର ଖଣ୍ଡାୟତରାୟଙ୍କ ନିର୍ଦ୍ଦେଶ କ୍ରମେ ପିପିଲି ଥାନା ଏଏସ୍ଆଇ ଶାନ୍ତନୁ କୁମାର ନାୟକଙ୍କ ନେତୃତ୍ୱରେ ପୁଲିସର ସ୍ୱତନ୍ତ୍ର ଟିମ୍ ପାଣିଦୋଳ ଛକ ନିକଟରେ ଚଡାଉ କରି ଉକ୍ତ କଣ୍ଟେନରକୁ ଜବତ କରିଥିଲା। କଣ୍ଟେନର ମଧ୍ୟରେ ଥିବା ୮ଟନ୍ ଗୋମାଂସକୁ ପୁଲିସ ଜବତ କରିବା ସହ ଉକ୍ତ ଗାଡିରେ ଥିବା ଉପରୋକ୍ତ ଦୁଇଜଣଙ୍କୁ ଗିରଫ କରିଥିଲା। ଏନେଇ ପିପିଲି ଥାନାରେ ଏକ ମାମଲା ରୁଜୁ ହୋଇଥିବା ବେଳେ ଏହି ଗୋମାଂସ ଚାଲାଣ ପଛରେ ଅନ୍ୟ କେଉଁମାନେ ସଂପୃକ୍ତି ଅଛନ୍ତି ସେନେଇ ପୁଲିସ ତଦନ୍ତ ଜାରି ରଖିଥିବା ସୂଚନା ମିଳିଛି।
Popular Categories
Previous article
Next article