ଗୁଗୁଲ୍ ମ୍ୟାପ୍ ଦେଖି ଗାଡ଼ି ଚଳାଇବା କାଳ ହେଲା, ନଦୀରେ ପଡ଼ି ଦୁଇ ଡାକ୍ତର ମୃତ
କୋଚି : ଜନ୍ମ ଦିନ ପାଳନ କରି କାର୍ରେ ଫେରୁଥିଲେ। ରାତି ପ୍ରାୟ ୧୨ଟା ୩୦। ବର୍ଷା ଯୋଗୁଁ ରାସ୍ତାରେ ପାଣି ଥିଲା। ରାସ୍ତା ଜାଣି ନଥିବାରୁ ଚାଳକ ଗୁଗୁଲ୍ ମ୍ୟାପ୍ ଦେଖି ଗାଡ଼ି ଚଳାଉଥିଲେ। ଏକ ମୋଡ଼ ବୁଲିବା ସମୟରେ ରାସ୍ତା ଜାଣି ପାରିନଥିଲେ। ଚାହୁଁଚାହୁଁ ଗାଡ଼ି ପେରିୟାର୍ ନଦୀକୁ ଖସି ପଡ଼ିଲା। ଏଥିରେ ଥିବା ଦୁଇ ଯୁବ ଡାକ୍ତରଙ୍କ ମୃତ୍ୟୁ ହୋଇଥିବାବେଳେ ଅନ୍ୟ ତିନି ଜଣ ଆହତ ହୋଇଛନ୍ତି। କେରଳର କୋଚି ନିକଟ ଗୋତୁରୁତ୍ଠାରେ ରବିବାର ରାତିରେ ଘଟିଛି ଏହି ମର୍ମନ୍ତୁଦ ଦୁର୍ଘଟଣା। ସ୍ଥାନୀୟ ଲୋକେ ଓ ଅଗ୍ନିଶମ ବାହିନୀ ସେମାନଙ୍କୁ ଉଦ୍ଧାର କରିଥିଲେ। ମୃତ ଡାକ୍ତର ଦ୍ବୟ ହେଉଛନ୍ତି ଅଦ୍ଵୈତ ଓ ଆଜମଲ। ଉଭୟଙ୍କ ବୟସ ୨୯। ସେମାନେ ଏକ ଘରୋଇ ଡାକ୍ତରଖାନାରେ କାର୍ଯ୍ୟରତ ଥିଲେ। ଆହତ ଅନ୍ୟ ଦୁଇ ବନ୍ଧୁ ଓ ଜଣେ ବାନ୍ଧବୀ ଏବେ ଚିକିତ୍ସାଧୀନ ଅଛନ୍ତି। ବିଡ଼ମ୍ବନାର ବିଷୟ ହେଉଛି ଡାକ୍ତର ଅେଦ୍ବୖତଙ୍କର ହିଁ ଜନ୍ମଦିନ ଥିଲା। ଗତ ମେ’ରେ ଆମେରିକାରେ ଏଭଳି ଏକ ଦୁର୍ଘଟଣା ଘଟିଥିଲା। ହାୱାଇ ଦ୍ବୀପରେ ଦୁଇ ପର୍ଯ୍ୟଟକ ଗୁଗୁଲ୍ ମ୍ୟାପ୍ ଦେଖି ଗାଡ଼ି ଚଳାଉଥିବାବେଳେ ସିଧା ଯାଇ ସମୁଦ୍ରରେ ପଡ଼ିଥିଲେ। ଅବଶ୍ୟ ସେମାନେ ପହଁରି ପହଁରି ନିଜ ଜୀବନ ରକ୍ଷା କରିପାରିଥିଲେ।
Comments are closed.