ୱାଶିଂଟନ୍: ଭାରତର ଚନ୍ଦ୍ରଯାନ-୩ ମିଶନର ସଫଳତାକୁ ନେଇ ସମସ୍ତେ ଉତ୍ସାହିତ ଥିବା ବେଳେ ଇତି ମଧ୍ୟରେ ୫୦ ବର୍ଷ ପରେ ଆମେରିକାର ମହାକାଶ ଗବେଷଣା ସଂସ୍ଥା ନାସା ପୁଣି ଥରେ ଚନ୍ଦ୍ରକୁ ମଣିଷ ପଠାଇବାକୁ ପ୍ରସ୍ତୁତ ହେଉଥିବା ଜଣାପଡ଼ିଛି। ପୁଣିଥରେ ସେ ଚନ୍ଦ୍ରକୁ ମଣିଷ ପଠାଇବ ବୋଲି ଘୋଷଣା କରିଛି ନାସା। ଏଥିପାଇଁ ଏକ ଭୂବିଜ୍ଞାନ ଦଳ ଚୟନ କରାଯାଇଛି, ଯିଏ ଏକ ସଫଳ ମିଶନ୍ ପାଇଁ ରଣନୀତି ପ୍ରସ୍ତୁତ କରିବ।
ଏଠାରେ ସୂଚନାଯୋଗ୍ୟ, ପ୍ରଥମ ଥର ପାଇଁ ୧୯୬୯ ମସିହାରେ ଚନ୍ଦ୍ରରେ ପାଦ ରଖିଥିଲା ମଣିଷ। ସେତେବେଳେ ନିଲ୍ ଆର୍ମଷ୍ଟ୍ରଙ୍ଗ ଏବଂ ତାଙ୍କ ସାଥୀମାନେ ଯାଇଥିଲେ। ତେବେ ୧୯୭୨ ପରେ ଚନ୍ଦ୍ରକୁ କୌଣସି ମାନବ ମିଶନ ପଠାଯାଇ ନାହିଁ।
ସୂଚନା ଅନୁସାରେ, ବୈଜ୍ଞାନିକମାନେ ଚନ୍ଦ୍ରରେ ଜନ ବସତି ସ୍ଥାପନ ପାଇଁ ଗବେଷଣା କରିବାକୁ ଚାହୁଁଛନ୍ତି। ତେଣୁ ନାସାର ଆର୍ଟେମିସ୍ ତୃତୀୟ ମିଶନ ଚନ୍ଦ୍ରରେ ପାଦ ଥାପିବାକୁ ପ୍ରସ୍ତୁତ ହେଉଛି। ଏହା ସହିତ ନାସା ନିଷ୍ପତ୍ତି ନେଇଛି ଯେ, ଚନ୍ଦ୍ରକୁ ଯେଉଁ ଟିମ୍ ପଠାଯିବ ସେଥିରେ ମହିଳା ମଧ୍ୟ ସାମିଲ ହେବେ ଏବଂ ମିଶନକୁ ଚନ୍ଦ୍ରର ଦକ୍ଷିଣ ମେରୁ ନିକଟକୁ ପଠାଯିବ।
Comments are closed.