ଗୋପାଳପୁର: ଗୋଳନ୍ଥରା ଥାନା ଅନ୍ତର୍ଗତ ସୁବାଣୀ ଛକ ନିକଟରୁ ଆଜି ଗୋଳନ୍ଥରା ପୁଲିସ ଏକ ଅଜଣା ବ୍ୟକ୍ତିଙ୍କ ଗଳିତ ମୃତ ଦେହ ଉଦ୍ଧାର କରିଛି l ଆଜି ସକାଳ ସମୟରେ ସୁବାଣୀ ଛକ ଜାତୀୟ ରାଜପଥ ଠାରୁ ପ୍ରାୟ ଶହେ ମିଟର ଦୂରରେ ମୃତ ଦେହ ପଡ଼ିଥିବା ନେଇ ସୁବାଣୀ ସରପଞ୍ଚ ଗୋଳନ୍ଥରା ଥାନାକୁ ଖବର ଦେବା ପରେ ଗୋପାଳପୁର ଆଇଆଇସି ବିବେକାନନ୍ଦ ସ୍ୱାଇଁ, ଏସଆଇ ଜ୍ଞାନ ରଞ୍ଜନ ସାହୁ ସହ ସାଇଣ୍ଟିଫିକ ଟିମ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲେ l ଗଳିତ ଅବସ୍ଥାରେ ଥିବା ମୃତ ଦେହଟି ପୁରୁଷର ଏବଂ ୨୦ ଦିନର ବୋଲି ପୋଲିସ ଅନୁମାନ କରୁଛି l ସୁବାଣୀ ସରପଞ୍ଚ ଜୀବନାନନ୍ଦ ରେଡିଙ୍କ ଏତଲା କ୍ରମେ ଥାନା କେଶ ନଂ ୨୪/୨୩ରେ ଏକ ଅପମୃତ୍ୟୁ ମାମଲା ରୁଜୁ କରିବା ସହ ପୋଲିସ ଶବକୁ ବ୍ୟବଛେଦ ପାଇଁ ପଠେଇ ଥିବା ଜଣାପଡିଛି l ଶବ ବ୍ୟବଛେଦ ରିପୋର୍ଟ ଆସିବା ପରେ ମୃତ୍ୟୁର ପ୍ରକୃତ କାରଣ ଜଣାପଡିବ ବୋଲି ଆଇଆଇସି ବିବେକାନନ୍ଦ ସ୍ୱାଇଁ ସୂଚନା ଦେଇଛନ୍ତି l
Comments are closed.