ରେଙ୍ଗାଲିକ୍ୟାମ୍ପ: ଆଜି ଏକ ଟ୍ରକ ଧକ୍କାରେ ୨ଜଣ କଲେଜ ଛାତ୍ରୀଙ୍କର ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ହୋଇଛି। ଆଜି କ୍ଲାସ ସାରି ସାଇକେଲରେ ଘରକୁ ଫେରୁଥିବା ବେଳେ ଗୋଡଭଗାରୁ ପାପଙ୍ଗାକୁ ସଂଯୋଗ କରିଥିବା ରାଜ୍ୟ ରାଜପଥର ଛନ୍ଦପାଲି ଓ ପୋଢ଼ପାଳି ମଝିରେ ସମ୍ମୁଖରୁ ପାଉଁରୁଟି ବୋଝେଇ ହୋଇ ଆସୁଥିବା ଏକ ଟ୍ରକ ସେମାନଙ୍କୁ ଧକ୍କା ଦେଇଥିଲା। ଫଳରେ ଛାତ୍ରୀ ଅନୁପମା ମଲ୍ଲିକ, ଜୟଶ୍ରୀ ରଣା, ପ୍ରିୟ ମଞ୍ଜରୀ ପଣ୍ଡା, ଅର୍ଚ୍ଚନା ସେଠ୍ ଟ୍ରକ୍ ତଳେ ପଡି ଯାଇ ଗୁରୁତର ହୋଇଥିଲେ। ସେମାନଙ୍କୁ ଚିକିତ୍ସା ପାଇଁ ଡାକ୍ତରଖାନାକୁ ନିଆଯାଇଥିଲା। ସେଠାରେ ଅନୁପମା ମଲ୍ଲିକ ଓ ଜୟଶ୍ରୀ ରଣା ଙ୍କ ମୃତ୍ୟୁ ଘଟିଥିବା ବେଳେ ପ୍ରିୟ ମଞ୍ଜରୀ ପଣ୍ଡା ଏବେ ବି ଗୁରୁତର ଥିବା ଜଣା ପଡିଛି। ମୃତ ଅନୁପମା ମଲ୍ଲିକ ଅତାବିରା ବ୍ଲକ ସିଂ ପାଲିର, ଜୟଶ୍ରୀ ରଣା ଓ ପ୍ରିୟ ମଞ୍ଜରୀ ପଣ୍ଡା ଲରମ୍ଭା ଓ ଅର୍ଚ୍ଚନା ସେଟ୍ ଗମ୍ଭାରୀ ପାଲିର ବୋଲି ଜଣାପଡ଼ିଛି। ଅର୍ଚ୍ଚନା ସେଠ୍ କାଦୋବାହଲ ଡାକ୍ତର ଖାନାରେ ଚିକିତ୍ସିତ ହେବା ପରେ ତାଙ୍କୁ ଅପରାହ୍ ରେ ଡିସ୍ ଚାର୍ଜ କରାଯାଇଥିବା ଜଣା ପଡ଼ିଛି। ଛାତ୍ରୀ ଦୁଇ ଜଣଙ୍କ ମୃତ୍ୟୁରେ ମହାବିଦ୍ୟାଳୟର ଛାତ୍ର ଛାତ୍ରୀ ମାନେ ରାସ୍ତା ଅବରୋଧ କରି ସମ୍ପୂର୍ଣ୍ଣ ରୂପେ ଯାନ ବlହନ ଚଳାଚଳ ବନ୍ଦ କରିଛନ୍ତି। କ୍ଷତିପୂରଣ ନ ଦେବା ଯାଏ ରାସ୍ତାରୁ ଓହରିବେ ନାହିଁ ବୋଲି ଜିଦ୍ ଧରିଛନ୍ତି। ଅତାବିରା ଥାନା ଅଧିକାରୀ ସୁକୁମାର ତ୍ରିପାଠୀ ଓ ଗୋଡଭଗା ଫାଣ୍ଡି ଅଧିକାରୀ କୈଳାସ ପ୍ରଧାନ ଘଟଣା ସ୍ଥଳରେ ଉପସ୍ଥିତ ରହି ରହି ପରିସ୍ଥିତିକୁ ନିୟନ୍ତ୍ରଣ କରୁଛନ୍ତି। ପ୍ରକାଶ ଥାଉ କି ଜଗତ ପୂର ରୁ ପାଉଁରୁଟି ବୋଝେଇ ହୋଇ ଆସୁଥିବା ଏହି ଟ୍ରକ୍ ଚାଲକ ଉମେଶ ଚନ୍ଦ୍ର ଜେନା ନିଶାଶକ୍ତ ଅବସ୍ଥାରେ ଟ୍ରକ୍ ଚଲାଉଥିବାରୁ ନିୟନ୍ତ୍ରଣ କରି ନପାରି ଏହି ବିଭତ୍ସ ଦୁର୍ଘଟଣା ଘଟିଛି। ଦୁର୍ଘଟଣା ପରେ ଚାଲକ ଫେରାର ମାରୁଥିବା ବେଳେ ସ୍ଥାନୀୟ ଲୋକେ ଧରି ଖୁବ୍ ମାରପିଟ୍ କରିଥିଲେ ଓ ଅତାବିରା ଡାକ୍ତରଖାନାକୁ ଆଣିଥିଲେ।
Comments are closed.