ପୁରୀ: ଭକ୍ତମାନଙ୍କ ପାଇଁ ଏବେ ଖୋଲିବନି ଶ୍ରୀମନ୍ଦିର ୪ ଦ୍ବାର। ଏବେ ୪ ଦ୍ବାରା ନ ଖୋଲିବାକୁ ଶ୍ରୀମନ୍ଦିର ପରିଚାଳନା କମିଟି ନିଷ୍ପତ୍ତି ନେଇଛି। ପରିକ୍ରମା ପ୍ରକଳ୍ପ ସରି ନ ଥିବାରୁ ଏଷବ ୪ ଦ୍ବାର ଖୋଲିବନି। ଶ୍ରୀମନ୍ଦିର ପରିଚାଳନା କମିଟି ବୈଠକ ପରେ ନିଆଯାଇଥିବା ନିଷ୍ପତ୍ତି ସମ୍ପର୍କରେ ପୁରୀ ଜିଲାପାଳ ସମର୍ଥ ବର୍ମା ସୂଚନା ଦେଇ କହିଛନ୍ତି ଯେ ଭକ୍ତମାନଙ୍କ ପାଇଁ ଏବେ ଶ୍ରୀମନ୍ଦିର ୪ ଦ୍ବାର ଖୋଲିବ ନାହିଁ। ପ୍ରକଳ୍ପ କାମ ଚାଲିଥିବାରୁ ଅନ୍ୟ ୩ ଦ୍ବାରରେ କ୍ୟୁ ବ୍ୟବସ୍ଥା କରିହେବନି। ଦକ୍ଷିଣ, ପଶ୍ଚିମ ଓ ଉତ୍ତର ଦ୍ବାରରେ କ୍ୟୁ ବ୍ୟବସ୍ଥା କରାଯାଇ ପାରିବନି। ପର୍ଯ୍ୟାପ୍ତ ଜାଗା ନ ଥିବାରୁ ଶ୍ରଦ୍ଧାଳୁଙ୍କ ପାଇଁ କ୍ୟୁ ବ୍ୟବସ୍ଥା କରିହେବନି। ପ୍ରକଳ୍ପ କାମ ସରିବା ଯାଏ ଏବେ ଯେମିତି ଚାଲିଛି ସେମିତି ଚାଲିବ। ସାଧାରଣ ଭକ୍ତ ସିଂହଦ୍ବାର ଦେଇ ପଶିବେ ଏବଂ ଉତ୍ତର ଦ୍ବାରରେ ବାହାରିବେ। ପୁରୀ ବାସିନ୍ଦା ପୂର୍ବ ଓ ପଶ୍ଚିମ ଦ୍ବାରରେ ପଶିବେ ଏବଂ ଉତ୍ତର ଦ୍ବାରରେ ବାହାରିବେ।
Comments are closed.