ଗୋପାଳପୁର: ଗୋଳନ୍ଥରା ପୁଲିସ ଆଜି ଜଣେ ବାଇକ ଚୋରକୁ ଗିରଫ କରିବା ସହ ତା ଠାରୁ ୭ ଟି ଚୋରି ବାଇକ ଉଦ୍ଧାର କରିଛି। ଗିରଫ ଅଭିଯୁକ୍ତ ଜଣଙ୍କ ହେଲେ ବ୍ରହ୍ମପୁର ଲାଞ୍ଜିପଲ୍ଲୀ ଦୀପ ସାହିର ସମୀର ବିଷୋୟୀ ଓରଫ ବାବୁ ବୋଲି ପୁଲିସ ସୂଚନା ଦେଇଛି। ଆଜି ଗୋଳନ୍ଥରା ପୁଲିସ ଜାତୀୟ ରାଜପଥରେ ପାଟ୍ରୋଲିଂ କରୁଥିବା ବେଳେ ଶିହଳା ରୋଡ଼ରେ ଏକ ନମ୍ବର ବିହୀନ ବାଇକକୁ ସନ୍ଦେହରେ ଅଟକାଇବା ସହ କାଗଜ ପତ୍ର ଯାଞ୍ଚ କରିଥିଲେ। କିନ୍ତୁ ପୁଲିସକୁ ବାଇକ ଚାଳକ ସମୀର କୌଣସି ସନ୍ତୋଷ ଜନକ ଉତ୍ତର ଦେଇପାରିନଥିଲା। ପୁଲିସ ସମୀରକୁ ଥାନାକୁ ଆଣି ପଚାରା ଉଚରା କରିବା ବେଳେ ସେ ବାଇକ ଚୋରି କରି ସେଗୁଡିକୁ ଖଣ୍ଡ ଖଣ୍ଡ କରି ବିକ୍ରି କରୁଥିବା ସ୍ୱୀକାର କରିଥିଲା। ଅଭିଯୁକ୍ତ ର ବୟାନ ପ୍ରକାରେ ପୁଲିସ ଅଟୋ ନଗରରେ ଥିବା ଏକ ଘରୁ ୭ ଟି ବାଇକ ଉଦ୍ଧାର କରିଥିଲା। ସେଥି ମଧ୍ୟରୁ ୨ ଟି ନମ୍ବର ବିହୀନ ଥିବା ପୁଲିସ ସୂଚନା ଦେଇଛି l ଆଜି ପୁଲିସ ଗିରଫ ଅଭିଯୁକ୍ତ ସମୀରକୁ କୋର୍ଟ ଚାଲାଣ କରିଥିବା ବେଳେ ଉଦ୍ଧାର ବାଇକର ନମ୍ବର ଯାଞ୍ଚ କରିବା ସହ ତଦନ୍ତ ଜାରି ରଖିଥିବା ଇନ୍ସପେଟର ବିବେକାନନ୍ଦ ମହନ୍ତ ସୂଚନା ଦେଇଛନ୍ତି।
Comments are closed.