ଶ୍ରୀଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷା କେନ୍ଦ୍ରର ବିଜ୍ଞାନ ପ୍ରଦର୍ଶନୀ, ପ୍ରଦର୍ଶିତ ହେଲା ୪୭୪ ଟି ପ୍ରକଳ୍ପ

ରେଙ୍ଗାଲିକ୍ୟାମ୍ପ: ଦେଶର ବିକାଶ ପାଇଁ ନାରା ଥିଲା ଜୟ ଜୱାନ ଜୟ କିଷାନ୍। କିନ୍ତୁ ବିଜ୍ଞାନର ଜୟ ଯାତ୍ରା ଆଜି ତାକୁ ପରିବର୍ତ୍ତନ କରି ଦେଇପାରିଛି। ଆଜିର ସ୍ଲୋଗାନ ଜୟ ବିଜ୍ଞାନ,ଜୟ ଅନୁସନ୍ଧାନ। ଛାତ୍ରଛାତ୍ରୀଙ୍କ ଅନୁସନ୍ଧିତ୍ସୁ ମନୋବୃତ୍ତି ଯୋଗୁଁ ଆଜି ବିଜ୍ଞାନର ଅଗ୍ରଗତି ହୋଇଚାଲିଛି। ଦେଶ ମଧ୍ୟ ବିକାଶ ଦିଗରେ ଆଗେଇଛି ବୋଲି ଶ୍ରୀ ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷା କେନ୍ଦ୍ରର ବିଜ୍ଞାନ ପ୍ରଦର୍ଶନୀରେ ଯୋଗଦେଇଥିବା ମୁଖ୍ୟ ଅତିଥି ପ୍ରଫେସର ପୀୟୁଷ ରଞ୍ଜନ ଦାଶ ପ୍ରକାଶ କରିଥିଲେ। ଲାଦର ପାଲି ସ୍ଥିତ ଶ୍ରୀ ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷା କେନ୍ଦ୍ର, ମାତୃପୁରୀଠାରେ ବିଜ୍ଞାନ ପ୍ରଦର୍ଶନୀ ଅନୁଷ୍ଠିତ ହୋଇଯାଇଛି।

ଏଥିରେ ଭିସୁଟ, ବୁର୍ଲାର ପଦାର୍ଥ ବିଜ୍ଞାନ ପ୍ରଫେସର ପୀୟୁଷ ରଞ୍ଜନ ଦାଶ ମୁଖ୍ୟଅତିଥି ଭାବେ ଯୋଗଦେଇ ଥିଲେ। କାର୍ଯ୍ୟକ୍ରମ ସଂଯୋଜକ ବବ୍ରୁବାହନ ମିଶ୍ରଙ୍କ ପରିଚାଳନାରେ ଅନୁଷ୍ଠିତ ସଭାରେ ସଭାପତି ଶେଷଦେବ ନାଏକ, ଅଧ୍ୟକ୍ଷ ଟିକେଲାଲ୍ ଚାନ୍ଦ ,ଶିକ୍ଷା ସଂଯୋଜକ ଯତୀନ୍ଦ୍ର ପ୍ରଧାନ, କବି ସରୋଜ କୁମାର ରଥ, ସୁନୀଲ ଖମାରି, ବିଜ୍ଞାନ ବିଭାଗୀୟ ମୁଖ୍ୟ ରତନ ଦୀପ, ରାମଚନ୍ଦ୍ର ପ୍ରଧାନ ପ୍ରମୁଖ ଉପସ୍ଥିତ ଥିଲେ। ନିରଞ୍ଜନ ପଶାୟତ ପ୍ରାରମ୍ଭିକ ସୂଚନା ପ୍ରଦାନ କରିଥିଲେ। ଏଥିରେ ସବ ଜୁନିଅର ବିଭାଗରେ ୧୫୮, ଜୁନିଅର ବିଭାଗରେ ୧୭୭, ସିନିୟର୍ ବିଭାଗରେ ୧୩୯ ପ୍ରକଳ୍ପ ସ୍ଥାନ ପାଇଥିଲା।