ଜି-୨୦ ଆର୍ଥିକ ସାକ୍ଷରତା କୁଇଜରେ ଅର୍ଜୁନ ସୁବୁଦ୍ଧି ଉଚ୍ଚ ବିଦ୍ୟାଳୟର ଶିକ୍ଷାର୍ଥୀ ରାଜ୍ୟ ସ୍ତରରେ ଚାମ୍ପିଅନ

ତିଗିରିଆ: ଭାରତୀୟ ରିଜର୍ଭ ବ୍ୟାଙ୍କ ଆନୁକୁଲ୍ୟରେ ଭୁବନେଶ୍ବର ଠାରେ ଅନୁଷ୍ଠିତ ଜି୨୦ ଅନ୍ତର୍ଗତ ଭାରତୀୟ ଆର୍ଥିକ ସାକ୍ଷରତା ଉପରେ ହୋଇଥିବା ରାଜ୍ୟସ୍ତରୀୟ କୁଇଜ ପ୍ରତିଯୋଗୀତାରେ ତିଗିରିଆ ବ୍ଲକ ଅନ୍ତର୍ଗତ ନୂଆପାଟଣା ସ୍ଥିତ ଅର୍ଜୁନ ସୁବୁଦ୍ଧି ଉଚ୍ଚ ବିଦ୍ୟାଳୟ ଭାଗ ନେବା ସହିତ ବିଜେତା ହୋଇ ଚାମ୍ପିଅନ ଆଖ୍ୟା ଲାଭ କରିଛି। ପ୍ରତିଯୋଗିତାରେ ବିଦ୍ୟାଳୟର ଦୁଇ ମେଧାବୀ ଛାତ୍ରଛାତ୍ରୀ ସଚ୍ଚିଦାନନ୍ଦ ବେହେରା ଓ ରିତିକା ପ୍ରିୟଦର୍ଶିନୀ ଭାଗ ନେଇଥିଲେ। ଦୁହେଁ ରାଜ୍ୟ ସ୍ତରରୁ ବିଜେତା ହୋଇ ଜୋନ ସ୍ତରକୁ ଉପନୀତ ହୋଇଛନ୍ତି । ଉଭୟ ଶିକ୍ଷାର୍ଥୀ ବିଦ୍ୟାଳୟ ତଥା ତିଗିରିଆ ଅଞ୍ଚଳର ସୁନାମ ଆଣିଥିବାରୁ ସେମାନଙ୍କୁ ଶୁଭେଚ୍ଛାର ସୁଅ ଛୁଟିଛି।